Kartaxena
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 195-b. — ziyouz.com
Kartaxena — Kolumbiya şim. dagi şahar. Bolivar departamentining ma'muriy markazi. Karib dengizi buxtasida, Magdalena daryosi quyi qismining ğarbida joylaşgan. Aholisi 745,6 ming kişi (1995). Avtomobil yöllari tuguni. Yirik dengiz porti (neft va neft mahsulotlari, şakarqand, teri, oltin, platina va b. çetga çiqariladi). Aeroporti xalqaro ahamiyatga ega. Muhim savdo markazi. Oziq-ovqat (baliq konserva, şakarqand, qandolatçilik, pivo pişiriş, tamaki), neftni qayta işlaş, neft kimyosi, rezina-texnika, sement, töqimaçilik, kön-teri, farmatsevtika, mebel sanoati korxonalari mavjud. Tarix akademiyasi, un-t (1824), musiqa in-ti, kutubxona bor.
Şaharga 1533 y.da ispan konkistadori Pedro de Erediya tomonidan asos solingan. Mustamlakaçilik davrida mustahkam qal'a va yirik portga aylangan. 1811 y.da Kolumbiya şaharlari içida birinçilardan bölib K.da mustaqillik e'lon qilingan. Me'moriy yodgorliklardan mustamlakaçilik davrida qurilgan şahar devori, qal'a, monastirlar (16- a.), çerkov (16—18-a. lar), Zarbxona (17- a.) va b. saqlangan.
Asl matn (kirill, PDF'dagidek)
КАРТАХЕНА — Колумбия шим. даги шаҳар. Боливар департаментининг маъмурий маркази. Кариб денгизи бухтасида, Магдалена дарёси қуйи қисмининг ғарбида жойлашган. Аҳолиси 745,6 минг киши (1995). Автомобиль йўллари тугуни. Йирик денгиз порти (нефть ва нефть маҳсулотлари, шакарқанд, тери, олтин, платина ва б. четга чиқарилади). Аэропорти халқаро аҳамиятга эга. Муҳим савдо маркази. Озиқ-овқат (балиқ консерва, шакарқанд, қандолатчилик, пиво пишириш, тамаки), нефтни қайта ишлаш, нефть кимёси, резина-техника, цемент, тўқимачилик, кўн-тери, фармацевтика, мебель саноати корхоналари мавжуд. Тарих академияси, ун-т (1824), мусиқа ин-ти, кутубхона бор.
Шаҳарга 1533 й.да испан конкистадори Педро де Эредия томонидан асос солинган. Мустамлакачилик даврида мустаҳкам қалъа ва йирик портга айланган. 1811 й.да Колумбия шаҳарлари ичида биринчилардан бўлиб К.да мустақиллик эълон қилинган. Меъморий ёдгорликлардан мустамлакачилик даврида қурилган шаҳар девори, қалъа, монастирлар (16- а.), черков (16—18-а. лар), Зарбхона (17- а.) ва б. сақланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.