Karzay Homed
Manba: ÖzME, Qöşimça (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 38-b. — ziyouz.com
Karzay Homed (1957, Qandahor ş. yaqinidaği Karz qişlogi) — Afğoniston davlat arbobi. Kobuldagi «Habibiya» bilim yurti (1976), Hindistonning Simda ş.dagi Ximaçal Pradeş un-ti (1982)ni tugatgan. SSSRning Afğonistondagi qöşinlariga qarşi uruşda iştirok etgan. 1982 y.dan Afğonistonni ozod etiş milliy fronti tezkor boşqarmasi boşliği, 1985 y.dan axborot departamenti raisi, siyosiy departament boşliği örinbosari, 1989 y.dan Peşovarda joylaşgan S. Mujaddadiy rahbarligidagi Afğoniston muvaqqat hukumatida taşqi aloqalar departamenti boş direktori, 1992 y.dan B.Rabboniy boşçiligidagi muvaqqat hukumatda taşqi işlar vaziri örinbosari. 1994 y. «Tolibon» harakatiga qöşilgan, ammo 1995 y. oxiriga kelib, bu harakat mohiyatini anglab yetgaç, uni tark etgan. 1997 y. Pokistonning Kvetta ş.da Afğonistonda Loya jirğani ötkazişga yordam körsatiş böyiça bölinma ta'sis etgan. 1999 y. Loya jirğani taşkil etiş böyiça Zohir Şoh boşçiligidagi Rim guruhi ijroiya qömitasi a'zosi. 2001 y. dek.da Bonn ş.da bölib ötgan Afğoniston muvaqqat hukumatini ta'sis etişga bağişlangan konferensiyada muvaqqat hukumat raisi etib saylangan. 2002 y. maydan Afğoniston Ötiş Islom Davlati raisi, 2004 y. okt.dan Afgoniston Islom Respublikasi prezidenti.
Asl matn (kirill, PDF'dagidek)
КАРЗАЙ Ҳомед (1957, Қандаҳор ш. яқинидағи Карз қишлоги) — Афғонистон давлат арбоби. Кобулдаги «Ҳабибия» билим юрти (1976), Ҳиндистоннинг Симда ш.даги Химачал Прадеш ун-ти (1982)ни тугатган. СССРнинг Афғонистондаги қўшинларига қарши урушда иштирок этган. 1982 й.дан Афғонистонни озод этиш миллий фронти тезкор бошқармаси бошлиғи, 1985 й.дан ахборот департаменти раиси, сиёсий департамент бошлиғи ўринбосари, 1989 й.дан Пешоварда жойлашган С. Мужаддадий раҳбарлигидаги Афғонистон муваққат ҳукуматида ташқи алоқалар департаменти бош директори, 1992 й.дан Б.Раббоний бошчилигидаги муваққат ҳукуматда ташқи ишлар вазири ўринбосари. 1994 й. «Толибон» ҳаракатига қўшилган, аммо 1995 й. охирига келиб, бу ҳаракат моҳиятини англаб етгач, уни тарк этган. 1997 й. Покистоннинг Кветта ш.да Афғонистонда Лоя жирғани ўтказишга ёрдам кўрсатиш бўйича бўлинма таъсис этган. 1999 й. Лоя жирғани ташкил этиш бўйича Зоҳир Шоҳ бошчилигидаги Рим гуруҳи ижроия қўмитаси аъзоси. 2001 й. дек.да Бонн ш.да бўлиб ўтган Афғонистон муваққат ҳукуматини таъсис этишга бағишланган конференцияда муваққат ҳукумат раиси этиб сайланган. 2002 й. майдан Афғонистон Ўтиш Ислом Давлати раиси, 2004 й. окт.дан Афгонистон Ислом Республикаси президенти.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.