Kasablanka
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 205-b. — ziyouz.com
Kasablanka (ispança Casablanca; arab — Dor ul-Bayzo) — Marokaş ğarbidagi şahar, Atlantika okeani sohilida. Kasablanka prefekturasining ma'muriy markazi. Aholisi 2,94 mln. kişi (1990-y.lar örtalari). K. — Afrikadagi eng katta şahar va portlardan biri (yillik yuk ortib-tuşiriş 17 mln. t). Şosse yöllarning yirik tuguni, t. y. stansiyasi. Xalqaro ahamiyatga ega aeroport bor. K. — Marokaşning muhim iqtisodiy markazi. Metallsozlik, maşinasozlik (jumladan, avtomobilsozlik), oziq-ovqat, töqimaçilik, kimyo, sement, poligrafiya va b. sanoat korxonalari bor. K. porti orkali çetga mineral xom aşyo (asosan, fosforit), marganets, sitrus mevalar va b. çiqariladi.
K. da köplab milliy va çet el moliya va savdo kompaniyalari vakolatxonalari joylaşgan. Şaharning bunyod etilgan anik, vaqti ma'lum emas. Ba'zi ma'lumotlarga köra, K. örnida qadimda (7-a. dan) Anfa ş. bölgan, 1468 y.da uni portugallar bosib olib, buzib taşlagan. 18- a. 2-yarmida şahar qayta tiklanib, unga Dor ul-Bayzo — Oq Uy deb nom berilgan. 1907—56 y.larda Fransiya mustamlakasi tarkibida bölgan. Har yili xalqaro yarmarka ötkazilib turiladi. Qad. şahar atrofida yangi zamonaviy K. yarim aylana şaklida qad kötargan.
Asl matn (kirill, PDF'dagidek)
КАСАБЛАНКА (испанча Casablanca; араб — Дор ул-Байзо) — Марокаш ғарбидаги шаҳар, Атлантика океани соҳилида. Касабланка префектурасининг маъмурий маркази. Аҳолиси 2,94 млн. киши (1990-й.лар ўрталари). К. — Африкадаги энг катта шаҳар ва портлардан бири (йиллик юк ортиб-тушириш 17 млн. т). Шоссе йўлларнинг йирик тугуни, т. й. станцияси. Халқаро аҳамиятга эга аэропорт бор. К. — Марокашнинг муҳим иқтисодий маркази. Металлсозлик, машинасозлик (жумладан, автомобилсозлик), озиқ-овқат, тўқимачилик, кимё, цемент, полиграфия ва б. саноат корхоналари бор. К. порти оркали четга минерал хом ашё (асосан, фосфорит), марганец, цитрус мевалар ва б. чиқарилади.
К. да кўплаб миллий ва чет эл молия ва савдо компаниялари ваколатхоналари жойлашган. Шаҳарнинг бунёд этилган аник, вақти маълум эмас. Баъзи маълумотларга кўра, К. ўрнида қадимда (7-а. дан) Анфа ш. бўлган, 1468 й.да уни португаллар босиб олиб, бузиб ташлаган. 18- а. 2-ярмида шаҳар қайта тикланиб, унга Дор ул-Байзо — Оқ Уй деб ном берилган. 1907—56 й.ларда Франция мустамлакаси таркибида бўлган. Ҳар йили халқаро ярмарка ўтказилиб турилади. Қад. шаҳар атрофида янги замонавий К. ярим айлана шаклида қад кўтарган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.