Kasb-Hunar kolleji
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 212–213-b. — ziyouz.com
Kasb-Hunar kolleji - örta maxsus, kasb-hunar öquv yurti. Özbekiston Respublikasida 1997 y. 29 avg.da kabul qilingan «Kadrlar tayyorlaş milliy dasturi» va «Ta'lim töğrisida»gi qonunga muvofiq, umumiy ta'lim maktablari (9-sinf)ni tugatgan öquvçilar qabul qilinadi. Ta'lim muddati 3 y. K.-h. k. örta maxsus, kasb-hunar ta'limi beradi; öquvçilarning kasb-hunarga moyilligi, bilim va könikmalarini çuqur rivojlantiriş, tanlab olingan kasb-hunar böyiça bir mutaxassislik va 2—3 işçi-kasb malaka könikmalarini egallaş imkonini yaratadi. K.-h. k.larida ta'lim oliş öquvçilarga öz bilimlarini çuqurlaştiriş va tanlagan ixtisosliklariga ega bölişni ta'minlaydi. K.-h. k.larida öquv dasturlari oldingi öquv bosqiçi — umumta'lim maktablari va keyingi poğonada turgan oliy öquv yurtlarining öquv dasturlari b-n özaro mutanosiblikda bölib, ta'limning uzluksizlik va izçillik prinsipiga amal qiladi. K.-h. k.lari zamonaviy asbob-uskunalar, öquv-uslubiy qurollar, körgazmali vositalar, axborot texnologiyalari va kompyuterlar b-n jihozlanadi. K.-h. k.larida işçi kadrlar emas, balki keng ixtisoslikdagi kiçik mutaxassislar tayyorlanadi va ularni tayyorlaşda har bir hududning öziga xos geografik va demografik şart-şaroitlari va mutaxassislarga bölgan mahalliy ehtiyojlari hisobga olinadi. Öquvçilarga beriladigan i.ç. ta'limi öquv muassasasining zamonaviy jihozlangan ustaxonalarida va korxonalarida i.ç. amaliyoti b-n uzviy boğliq holda olib boriladi. Şu b-n bir qatorda umumiy bilimlar asoslarini beriş, yoşlarning dunyoqaraşini kengaytiriş, ularni har tomonlama rivojlantiriş va zamon talablariga javob beruvçi mutaxassis bölib yetişişi uçun berilayotgan ta'lim milliy qadriyatlarga hurmat, mustaqil davlatimizga sodiqlik va iftixor tuyğulari ruhidagi tarbiya b-n muştaraklikda amalga oşiriladi. K.-h. k.larining bitiruvçilariga davlat tomonidan tasdiqlangan namunadagi diplomlar beriladi. Budiplomlarta'limning keyingi bosqiçlarida öqişni davom ettiriş yoki egallangan kasb-hunar böyiça mehnat faoliyati b-n şuğullaniş huquqini beradi. 2001/2002 öquv yili boşida Özbekistondagi 303 K.-h. k.da 217 mingga yaqin öquvçi öqidi.
Asl matn (kirill, PDF'dagidek)
КАСБ-ҲУНАР КОЛЛЕЖИ - ўрта махсус, касб-ҳунар ўқув юрти. Ўзбекистон Республикасида 1997 й. 29 авг.да кабул қилинган «Кадрлар тайёрлаш миллий дастури» ва «Таълим тўғрисида»ги қонунга мувофиқ, умумий таълим мактаблари (9-синф)ни тугатган ўқувчилар қабул қилинади. Таълим муддати 3 й. К.-ҳ. к. ўрта махсус, касб-ҳунар таълими беради; ўқувчиларнинг касб-ҳунарга мойиллиги, билим ва кўникмаларини чуқур ривожлантириш, танлаб олинган касб-ҳунар бўйича бир мутахассислик ва 2—3 ишчи-касб малака кўникмаларини эгаллаш имконини яратади. К.-ҳ. к.ларида таълим олиш ўқувчиларга ўз билимларини чуқурлаштириш ва танлаган ихтисосликларига эга бўлишни таъминлайди. К.-ҳ. к.ларида ўқув дастурлари олдинги ўқув босқичи — умумтаълим мактаблари ва кейинги поғонада турган олий ўқув юртларининг ўқув дастурлари б-н ўзаро мутаносибликда бўлиб, таълимнинг узлуксизлик ва изчиллик принципига амал қилади. К.-ҳ. к.лари замонавий асбоб-ускуналар, ўқув-услубий қуроллар, кўргазмали воситалар, ахборот технологиялари ва компьютерлар б-н жиҳозланади. К.-ҳ. к.ларида ишчи кадрлар эмас, балки кенг ихтисосликдаги кичик мутахассислар тайёрланади ва уларни тайёрлашда ҳар бир ҳудуднинг ўзига хос географик ва демографик шарт-шароитлари ва мутахассисларга бўлган маҳаллий эҳтиёжлари ҳисобга олинади. Ўқувчиларга бериладиган и.ч. таълими ўқув муассасасининг замонавий жиҳозланган устахоналарида ва корхоналарида и.ч. амалиёти б-н узвий боғлиқ ҳолда олиб борилади. Шу б-н бир қаторда умумий билимлар асосларини бериш, ёшларнинг дунёқарашини кенгайтириш, уларни ҳар томонлама ривожлантириш ва замон талабларига жавоб берувчи мутахассис бўлиб етишиши учун берилаётган таълим миллий қадриятларга ҳурмат, мустақил давлатимизга содиқлик ва ифтихор туйғулари руҳидаги тарбия б-н муштаракликда амалга оширилади. К.-ҳ. к.ларининг битирувчиларига давлат томонидан тасдиқланган намунадаги дипломлар берилади. Будипломлартаълимнинг кейинги босқичларида ўқишни давом эттириш ёки эгалланган касб-ҳунар бўйича меҳнат фаолияти б-н шуғулланиш ҳуқуқини беради. 2001/2002 ўқув йили бошида Ўзбекистондаги 303 К.-ҳ. к.да 217 мингга яқин ўқувчи ўқиди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.