Kassetali kino
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 218–219-b. — ziyouz.com
Kassetali kino - magnit lenta (kasseta) yoki diskka yozib olingan videofilmlarni yoxud kassetali kinoplyonkaga yozib olingan odatdagi kinofilmlarni maxsus moslamalar yordamida oddiy televizor ekranida körişga imkon beruvçi texnik usullar va vositalar majmui. Tasvir va tovuş K. k. tizimiga avval suratga olingan kinofilmdan magnit (magnitli plyonkaga), mexanik (videodiskka), optik (lazerli videodiskka) usullarida yozib olinadi. Bularda qöyuvçi apparat sifatida videomagnitofonaan foydalaniladi. Ensiz (8 mm li) kinoplyonkaga ham yozib oliş mumkin. Bunda qöyuvçi apparat sifatida telekino uzatkiçdan foydalaniladi. Qayta yozib olingan videofilm yoki kinofilmlar K.k. uçun film nusxalarini köplab nusxada çiqariş uçun asl nusxa bölib xizmat qiladi. Kinofilmni namoyiş qilişda tasvir va tovuş signallari qöyuvçi apparatda videosignallar va tovuş signallariga aylanib, televizion qabul qilgiçga keladi. K.k.dan uy şaroitida kinofilmlar körişda, öquv maqsadlarida foydalaniladi.
Asl matn (kirill, PDF'dagidek)
КАССЕТАЛИ КИНО - магнит лента (кассета) ёки дискка ёзиб олинган видеофильмларни ёхуд кассетали киноплёнкага ёзиб олинган одатдаги кинофильмларни махсус мосламалар ёрдамида оддий телевизор экранида кўришга имкон берувчи техник усуллар ва воситалар мажмуи. Тасвир ва товуш К. к. тизимига аввал суратга олинган кинофильмдан магнит (магнитли плёнкага), механик (видеодискка), оптик (лазерли видеодискка) усулларида ёзиб олинади. Буларда қўювчи аппарат сифатида видеомагнитофонаан фойдаланилади. Энсиз (8 мм ли) киноплёнкага ҳам ёзиб олиш мумкин. Бунда қўювчи аппарат сифатида телекино узаткичдан фойдаланилади. Қайта ёзиб олинган видеофильм ёки кинофильмлар К.к. учун фильм нусхаларини кўплаб нусхада чиқариш учун асл нусха бўлиб хизмат қилади. Кинофильмни намойиш қилишда тасвир ва товуш сигналлари қўювчи аппаратда видеосигналлар ва товуш сигналларига айланиб, телевизион қабул қилгичга келади. К.к.дан уй шароитида кинофильмлар кўришда, ўқув мақсадларида фойдаланилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.