Katta ğul
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 244-b. — ziyouz.com
Katta ğul KATTA ĞUL, katta qöl — 13— 15-a.larda turk-möğul qöşini markazi. Bu qismga hukmdorning şaxsan özi yoki uning atoqli sarkardalaridan biri qömondonlik qilgan. Amir Temur qöşinida K. ğ. 40 böluk — polkka taqsimlangan va bevosita Sohibqiron rahbarligida bölgan. Uşbu böluklarning saralangan askarlardan taşkil etilgan 12 böluki markazning birinçi safida, qolgan 28 böluki esa ikkinçi va uçinçi saflarda joylaşgan. 40 bölukning öng tarafi oldida Amir Temur farzandlari va nabiralari qismlari, söl tarafi oldida esa oliy boş qömondon qarindoşlari va ittifoqçilari qismlari saf tortgan. Bu qismlar qöşinning boşqa qismlariga istagan paytda kömak berişga şay turgan. Sohibqiron qöşinida, şuningdek, kiçik qöllar ham mavjud bölib, ular öng qanot va söl qanotning markazida joylaşgan.
/id.: N i z o m i d d i n Şomiy, Zafarno-ma, T., 1996; Dadaboyev H., Amir Temurning harbiy ma\orati, T., 1996.
Asl matn (kirill, PDF'dagidek)
КАТТА ҒУЛ, катта қўл — 13— 15-а.ларда турк-мўғул қўшини маркази. Бу қисмга ҳукмдорнинг шахсан ўзи ёки унинг атоқли саркардаларидан бири қўмондонлик қилган. Амир Темур қўшинида К. ғ. 40 бўлук — полкка тақсимланган ва бевосита Соҳибқирон раҳбарлигида бўлган. Ушбу бўлукларнинг сараланган аскарлардан ташкил этилган 12 бўлуки марказнинг биринчи сафида, қолган 28 бўлуки эса иккинчи ва учинчи сафларда жойлашган. 40 бўлукнинг ўнг тарафи олдида Амир Темур фарзандлари ва набиралари қисмлари, сўл тарафи олдида эса олий бош қўмондон қариндошлари ва иттифоқчилари қисмлари саф тортган. Бу қисмлар қўшиннинг бошқа қисмларига истаган пайтда кўмак беришга шай турган. Соҳибқирон қўшинида, шунингдек, кичик қўллар ҳам мавжуд бўлиб, улар ўнг қанот ва сўл қанотнинг марказида жойлашган.
/id.: Н и з о м и д д и н Шомий, Зафарно-ма, Т., 1996; Дадабоев Ҳ., Амир Темурнинг ҳарбий ма\орати, Т., 1996.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.