Kattaqörğon
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 247-b. — ziyouz.com
Kattaqörğon — keçpişar xöraki, mayizbop uzum navi. Şarqiy ekologik-geografik navlar guruhiga kiradi. Vatani — Örta Osiyo. Tupi kuçli ösadi. Bargi örtaça va yirik, 3—5 bölakçali, oz kertikli, bir oz qabariqli, ustki sirti töq yaşil, yaltiroq, ostki sirtida tuklari yöq. Guli funksional urğoçi. Uzum boşi yirik (böyi 12— 26 sm, eni 14—25 sm), ğujumi yirik, ovalsimon yoki tuxumsimon oç yaşil, etdor, serşira, pösti yupqa', uruği yirik. Hosili faol harorat yiğindisi 3400—3800° da 150—160 kunda, sent. 2-yarmida pişib yetiladi. Hosildorligi 70—80 s/ga. K. funksional urğoçi gulli bölganligi sababli unga Oq kişmiş, Qora kişmiş, Puşti Toifi, Saperavi, Sultoniy navlari eng yaxşi çanglovçilar hisoblanadi. Sovuqqa va zamburuğ kasalliklariga çidamsiz. Novdalarining 6—14-közlaridan eng köp miqdorda hosilli novdalari şakllanadi va novdani uzun kesiş talab qilinadi. Yangiligida yeyiladi, quritiladi, garmiyon mayi-zi tayyorlanadi. Uzoq yerlarga taşişga yaroqli. Özbekistonning jan. viloyatlarida r-nlaştirilgan.
Asl matn (kirill, PDF'dagidek)
КАТТАҚЎРҒОН — кечпишар хўраки, майизбоп узум нави. Шарқий экологик-географик навлар гуруҳига киради. Ватани — Ўрта Осиё. Тупи кучли ўсади. Барги ўртача ва йирик, 3—5 бўлакчали, оз кертикли, бир оз қабариқли, устки сирти тўқ яшил, ялтироқ, остки сиртида туклари йўқ. Гули функционал урғочи. Узум боши йирик (бўйи 12— 26 см, эни 14—25 см), ғужуми йирик, овалсимон ёки тухумсимон оч яшил, этдор, сершира, пўсти юпқа’, уруғи йирик. Ҳосили фаол ҳарорат йиғиндиси 3400—3800° да 150—160 кунда, сент. 2-ярмида пишиб етилади. Ҳосилдорлиги 70—80 ц/га. К. функционал урғочи гулли бўлганлиги сабабли унга Оқ кишмиш, Қора кишмиш, Пушти Тоифи, Саперави, Султоний навлари энг яхши чангловчилар ҳисобланади. Совуққа ва замбуруғ касалликларига чидамсиз. Новдаларининг 6—14-кўзларидан энг кўп миқдорда ҳосилли новдалари шаклланади ва новдани узун кесиш талаб қилинади. Янгилигида ейилади, қуритилади, гармиён майи-зи тайёрланади. Узоқ ерларга ташишга яроқли. Ўзбекистоннинг жан. вилоятларида р-нлаштирилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.