Kesar kesişi
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 322–323-b. — ziyouz.com
Kesar kesişi (lot. sectio — yoriş, oçiş; caedo — kesaman) — xirurgik operatsiya; akuşerlik amaliyotida qorinning oldingi devorini va baçadonni kesib (ba'zan qin tomondan kesiladi — bu qinni K. k. deyiladi), homila va yöldoşni oliş. Tabiiy tuğruq yöllari orqali bola tuğilişi mumkin bölmagan hollar (mas, ayol çanoğining torligi yoki baçadonning yoriliş xavfi tuğilişi va b.)da, şuningdek, tuğayotgan ayol jiddiy kasal bölganda (mas, yurak poroklarida) qilinadi. Hoz. K. k. baçadonning pastki segmentini kesib oçiş yöli b-n bajariladi. Buning uçun qorin devorini qavatma-qavat kesib, baçadongaça boriladi; uni ham qovuqsan yuqori qismi köndalang kesiladi va dastlab homila, keyin yöldoş çiqarib oli-nadi. Şundan söng baçadon devori, keyin qorin devori qavatma-qavat tikiladi. Bir marta K. k. qilingan ayolda baçadon çandiği yuzaga kelişi sababli keyingi homiladorlik va tuğiş vraç körsatmasiga qat'iy amal qilgan holda bölişi lozim.
Asl matn (kirill, PDF'dagidek)
КЕСАР КЕСИШИ (лот. sectio — ёриш, очиш; caedo — кесаман) — хирургик операция; акушерлик амалиётида қориннинг олдинги деворини ва бачадонни кесиб (баъзан қин томондан кесилади — бу қинни К. к. дейилади), ҳомила ва йўлдошни олиш. Табиий туғруқ йўллари орқали бола туғилиши мумкин бўлмаган ҳоллар (мас, аёл чаноғининг торлиги ёки бачадоннинг ёрилиш хавфи туғилиши ва б.)да, шунингдек, туғаётган аёл жиддий касал бўлганда (мас, юрак порокларида) қилинади. Ҳоз. К. к. бачадоннинг пастки сегментини кесиб очиш йўли б-н бажарилади. Бунинг учун қорин деворини қаватма-қават кесиб, бачадонгача борилади; уни ҳам қовуқцан юқори қисми кўндаланг кесилади ва дастлаб ҳомила, кейин йўлдош чиқариб оли-нади. Шундан сўнг бачадон девори, кейин қорин девори қаватма-қават тикилади. Бир марта К. к. қилинган аёлда бачадон чандиғи юзага келиши сабабли кейинги ҳомиладорлик ва туғиш врач кўрсатмасига қатъий амал қилган ҳолда бўлиши лозим.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.