«Keys korporeyşn»
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 286–287-b. — ziyouz.com
«Keys korporeyşn» - q.x. va quriliş texnikasini işlab çikaruvçi jaxrndagi eng yirik kompaniyalardan biri. 1842 y. J.Keys tomonidan taşkil kdlingan. Markaziy boşkaruv idorasi AQŞning Viskonsin ştati Rasin ş.da, Yevropadagi idorasi Parijda. Kompaniya mahsulotlari dunyoning 150 dan ortiq mamlakatlariga sotiladi. «K. k.» turli maqsadlarda qöllaniladigan don va ozuqa öriş, paxta teriş, şoli öriş kombaynlari, 40 ot kuçidan 440 ot kuçigaça ega bölgan traktorlar, ziçlab yiğadigan texnikalarni, purkagiçlar, lavlagi qaziydigan komplekslar, tuproqqa işlov beradigan agregatlar, an'anaviy va pnevmatik ekiş agregatlarini, kultivatorlar, boşqa turdagi q.x. texnikalarini işlab çiqaradi.
«K. k.» AQŞda 10 ta, Yevropada 3 ta, Braziliyada va Avstraliyada bittadan i.ç. korxonalariga ega. 1997 y.dan boşlab korporatsiyaga «Konkord» (AQŞ), «Ştayer» (Avstriya), «Fermek va Jem Sprayrz» (Buyuk Britaniya), MDV va «Forştrit» (Germaniya), «Feksikom» (Kanada) kabi yirik i.ç. korxonalari qöşildi. Kompaniya tarkibiga dizel motorlari işlab çiqaradigan «Kammins» va yem-xaşak ekinlari öradigan texnikalarni işlab çiqaruvçi korxonalar ham kiradi. 2000 y.da korporatsiya tarkibida XXRda katta xajmdagi oğir yuklarni ortuvçi texnika işlab çiqaradigan qöşma korxona taşkil qilindi. Ukrainada taşkil qilingan traktor işlab çiqaradigan «Dnipro-Keys» qöşma korxonasi hamda 2000 y.da Özbekistonda taşkil qilingan, traktorlar va paxta teriş maşinalari işlab çiqaradigan «Öz Keysmaş» qöşma korxonasi, Belorussiyaning Lida şahrida taşkil qilingan don öradigan kombaynlar işlab çiqaradigan qöşma korxona ham «K. k.» tarkibiga kiradi.
Kompaniya ehtiyot qismlar b-n ta'minlaşning tezkor bajariladigan va samarali tizimiga ega. Yevropada 5 ta markazlaştirilgan ehtiyot qismlar b-n ta'minlaydigan omborxonalari mavjud bölib, buyurtmalarning 24 soat davomida bajarilişini ta'minlaydi.
1999 y.da «K. k.» kompaniyasi b-n «Nyu Xolland» kompaniyasi qöşilib, «Keys-Nyu Xolland» («CNH») nomida yangi korporatsiya taşkil qilindi. Bu korporatsiya quriliş texnikasi i.ç. hajmi böyiça jahonda 3-örinni egallaydi.
«K. k.» özining q.x. va quriliş texnikasiga servis xizmat körsatadigan tizim yaratgan. Özbekistonda «K. k.» traktorlar işlab çiqaradigan quvvatlarni «Toşkent traktor zavodi» aksiyadorlik jamiyati b-n, paxta teradigan maşinalarni esa «Toşkent qişloq xöjaligi maşinalari zavodi» aksiyadorlik jamiyati b-n birgalikda taşkil qilgan.
Sadir Salimov.
Asl matn (kirill, PDF'dagidek)
«КЕЙС КОРПОРЕЙШН» - қ.х. ва қурилиш техникасини ишлаб чикарувчи жахрндаги энг йирик компаниялардан бири. 1842 й. Ж.Кейс томонидан ташкил кдлинган. Марказий бошкарув идораси АҚШнинг Висконсин штати Расин ш.да, Европадаги идораси Парижда. Компания маҳсулотлари дунёнинг 150 дан ортиқ мамлакатларига сотилади. «К. к.» турли мақсадларда қўлланиладиган дон ва озуқа ўриш, пахта териш, шоли ўриш комбайнлари, 40 от кучидан 440 от кучигача эга бўлган тракторлар, зичлаб йиғадиган техникаларни, пуркагичлар, лавлаги қазийдиган комплекслар, тупроққа ишлов берадиган агрегатлар, анъанавий ва пневматик экиш агрегатларини, культиваторлар, бошқа турдаги қ.х. техникаларини ишлаб чиқаради.
«К. к.» АҚШда 10 та, Европада 3 та, Бразилияда ва Австралияда биттадан и.ч. корхоналарига эга. 1997 й.дан бошлаб корпорацияга «Конкорд» (АҚШ), «Штайер» (Австрия), «Фермек ва Жем Спрайрз» (Буюк Британия), МДВ ва «Форштрит» (Германия), «Фексиком» (Канада) каби йирик и.ч. корхоналари қўшилди. Компания таркибига дизель моторлари ишлаб чиқарадиган «Камминс» ва ем-хашак экинлари ўрадиган техникаларни ишлаб чиқарувчи корхоналар ҳам киради. 2000 й.да корпорация таркибида ХХРда катта хажмдаги оғир юкларни ортувчи техника ишлаб чиқарадиган қўшма корхона ташкил қилинди. Украинада ташкил қилинган трактор ишлаб чиқарадиган «Днипро-Кейс» қўшма корхонаси ҳамда 2000 й.да Ўзбекистонда ташкил қилинган, тракторлар ва пахта териш машиналари ишлаб чиқарадиган «Ўз Кейсмаш» қўшма корхонаси, Белоруссиянинг Лида шаҳрида ташкил қилинган дон ўрадиган комбайнлар ишлаб чиқарадиган қўшма корхона ҳам «К. к.» таркибига киради.
Компания эҳтиёт қисмлар б-н таъминлашнинг тезкор бажариладиган ва самарали тизимига эга. Европада 5 та марказлаштирилган эҳтиёт қисмлар б-н таъминлайдиган омборхоналари мавжуд бўлиб, буюртмаларнинг 24 соат давомида бажарилишини таъминлайди.
1999 й.да «К. к.» компанияси б-н «Нью Холланд» компанияси қўшилиб, «Кейс-Нью Холланд» («CNH») номида янги корпорация ташкил қилинди. Бу корпорация қурилиш техникаси и.ч. ҳажми бўйича жаҳонда 3-ўринни эгаллайди.
«К. к.» ўзининг қ.х. ва қурилиш техникасига сервис хизмат кўрсатадиган тизим яратган. Ўзбекистонда «К. к.» тракторлар ишлаб чиқарадиган қувватларни «Тошкент трактор заводи» акциядорлик жамияти б-н, пахта терадиган машиналарни эса «Тошкент қишлоқ хўжалиги машиналари заводи» акциядорлик жамияти б-н биргаликда ташкил қилган.
Садир Салимов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.