Kim Ir Sen
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 374-b. — ziyouz.com
Kim Ir Sen (taxallusi; koreysça «Kötarilayotgan Quyoş» ma'nosida, haqiqiy ismi Kim Son Çju) (1912.15.4 —Mangende qişloği, Pxenyan ş. yaqinida — 1994.8.7, Pxenyan) — Koreya siyosiy arbobi. Koreya Mehnat partiyasi (KMP) MK Boş kotibi (1966 y.dan, 1949—66 y.larda KMP MK raisi), KXDR prezidenta (1972 y.dan). Qişloq öqituvçisi oilasida tuğilgan. Bu oila 1920 (yoki bir yil avval) Xitoyga, Mançjuriyaga köçib bordi. K. I. S bu yerda yaşirin marksistik tögarakka kirdi, bir neça oy qamoqda yotdi. Ozodlikka çiqqaç, yapon bosqinçilariga qarşi kuraşiş maqsadida partizan otryadlaridan biriga qöşildi. 1932 y.dan keyingi hayoti butunlay partiyaviy-siyosiy işlar b-n boğliqdir. KXDRda saqlanib kelayotgan bir partiyali tizimda K. I. S şaxsiga siğiniş avj olgan. U «çuçxe»— öziga xoslik ğoyalari asosida qurilgan «yer yuzidagi jannat» (koreys tipidagi sotsializm) deb atalmiş jamiyatning bunyodkori sifatida uluğlangan. Jasadi Pxenyan ş.dagi «Kimsusan» maqbarasiga qöyilgan.
Asl matn (kirill, PDF'dagidek)
КИМ ИР СЕН (тахаллуси; корейсча «Кўтарилаётган Қуёш» маъносида, ҳақиқий исми Ким Сон Чжу) (1912.15.4 —Мангендэ қишлоғи, Пхеньян ш. яқинида — 1994.8.7, Пхеньян) — Корея сиёсий арбоби. Корея Меҳнат партияси (КМП) МК Бош котиби (1966 й.дан, 1949—66 й.ларда КМП МК раиси), КХДР президента (1972 й.дан). Қишлоқ ўқитувчиси оиласида туғилган. Бу оила 1920 (ёки бир йил аввал) Хитойга, Маньчжурияга кўчиб борди. К. И. С бу ерда яширин марксистик тўгаракка кирди, бир неча ой қамоқда ётди. Озодликка чиққач, япон босқинчиларига қарши курашиш мақсадида партизан отрядларидан бирига қўшилди. 1932 й.дан кейинги ҳаёти бутунлай партиявий-сиёсий ишлар б-н боғлиқдир. КХДРда сақланиб келаётган бир партияли тизимда К. И. С шахсига сиғиниш авж олган. У «чучхе»— ўзига хослик ғоялари асосида қурилган «ер юзидаги жаннат» (корейс типидаги социализм) деб аталмиш жамиятнинг бунёдкори сифатида улуғланган. Жасади Пхеньян ш.даги «Кимсусан» мақбарасига қўйилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.