Kino sanoati
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 383-b. — ziyouz.com
Kino sanoati — filmdan nusxa köpaytiriş, kinovideokassetalar, kino işlaş uçun asbob-uskunalar, jihozlar işlab çiqaruvçi, kinotexnika sanoati b-n şuğullanuvçi soha. Boşqa sanoat tarmoqlaridan farqli ölaroq K.s.ning pirovard mahsuli kino va videofilmdir. Özbekistonda kinovideofilmlar işlab çiqariş b-n «Özbekfilm» va Özbekiston hujjatli va ilmiy-ommaviy filmlar kinostudiyasi (SDF), Respublika «Videomarkaz» işlab çiqariş ijodiy birlaşmasi, «Dostonfilm», «Vatan», «Inson», «Imon», «Şod» studiyalari, Eksperimental yoşlar ijodiy birlaşmasi, «5-studiya», «Özbektelefilm» studiyasi va b. har xil egalik şaklida faoliyat körsatayotgan studiyalar şuğullanadi. Özbekiston K.s. tarkibiy qismiga «Işonç-M» («Özbekkinodetal» zavodi) oçiq turdagi aksionerlik jamiyati, «Özbekkinota'minot» firmasi, kinoteatrlar, joylardagi ta'mirlaş-işlab çiqariş korxonalari, «Özbekkinovideoijara» korxonasi va uning joylardagi bölimlari kiradi. Boşqa sanoat korxonalari kabi ular ham i. ç. uçun kerak bölgan barça vositalarga ega: bino, turli quriliş inşootlari, asbob-uskunalar, jihozlar, transport vositalari, energetik resurslar, aylanma mablağlar (xom aşyo, materiallar, pul) va b.
Anvar Yoqubxöjayev.
Asl matn (kirill, PDF'dagidek)
КИНО САНОАТИ — фильмдан нусха кўпайтириш, киновидеокассеталар, кино ишлаш учун асбоб-ускуналар, жиҳозлар ишлаб чиқарувчи, кинотехника саноати б-н шуғулланувчи соҳа. Бошқа саноат тармоқларидан фарқли ўлароқ К.с.нинг пировард маҳсули кино ва видеофильмдир. Ўзбекистонда киновидеофильмлар ишлаб чиқариш б-н «Ўзбекфильм» ва Ўзбекистон ҳужжатли ва илмий-оммавий фильмлар киностудияси (СДФ), Республика «Видеомарказ» ишлаб чиқариш ижодий бирлашмаси, «Достонфильм», «Ватан», «Инсон», «Имон», «Шод» студиялари, Экспериментал ёшлар ижодий бирлашмаси, «5-студия», «Ўзбектелефильм» студияси ва б. ҳар хил эгалик шаклида фаолият кўрсатаётган студиялар шуғулланади. Ўзбекистон К.с. таркибий қисмига «Ишонч-М» («Ўзбеккинодеталь» заводи) очиқ турдаги акционерлик жамияти, «Ўзбеккинотаъминот» фирмаси, кинотеатрлар, жойлардаги таъмирлаш-ишлаб чиқариш корхоналари, «Ўзбеккиновидеоижара» корхонаси ва унинг жойлардаги бўлимлари киради. Бошқа саноат корхоналари каби улар ҳам и. ч. учун керак бўлган барча воситаларга эга: бино, турли қурилиш иншоотлари, асбоб-ускуналар, жиҳозлар, транспорт воситалари, энергетик ресурслар, айланма маблағлар (хом ашё, материаллар, пул) ва б.
Анвар Ёқубхўжаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.