Kinoçilar uyi
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 396-b. — ziyouz.com
Kinoçilar uyi - kino san'ati arboblarining ijodiy uyi. Teatr va kino xodimlari uyi bazasida 1966 y. oçilgan. Yangi binosi (me'morlari R. A. Xayrutdinov, V. N. Breusenko; binoni bezaşda rassom V. Gan, haykaltaroş R. Avakyan katnaşgan) 1982 y. Toşkentda oçilgan kinofestival arafasida işga tuşirilgan. Boş tomoşa zali (900 örinli), 230 va 50 örinli yana 2 kiçik tomoşa zali bor. Bino me'morligida quyoş nuridan asraydigan konstruksiyalar va milliy me'moriy elementlardan foydalanilgan; bölar bino loyihasi va şakli, örnida öz aksini topgan. Boş zal ellips şaklda, 4 ustunga tayangan, çapdan ma'muriy bino, öngdan klub b-n tutaş. Loyihalaşda taşqi körinişi b-n içki körinişi özaro boğlangan. Umumiy yeçimi binoga mutanosib bölgan restoran (zali — 100 örinli) hovli orqali boş tomoşa zaliga tutaşgan. Bino milliy me'moriy qismlar, kiçik me'moriy şakllar va favvoralar b-n jozibalaştirilgan. Bezagida Ğozğon marmari, granit, ganç öymakorligidan foydalanilgan. Interyeridagi B. Jalolov işlagan devoriy rasmlarda özbek kino san'ati rivoji aks ettirilgan. K. u. da yangi filmlar körigi, yubileylar, tomoşabinlar b-n ijodiy uçraşuvlar va b. ötkazib turiladi. K.u. «Özbekkino» davlat aksionerlik kompaniyasiga qaraydi.
Asl matn (kirill, PDF'dagidek)
КИНОЧИЛАР УЙИ - кино санъати арбобларининг ижодий уйи. Театр ва кино ходимлари уйи базасида 1966 й. очилган. Янги биноси (меъморлари Р. А. Хайрутдинов, В. Н. Бреусенко; бинони безашда рассом В. Ган, ҳайкалтарош Р. Авакян катнашган) 1982 й. Тошкентда очилган кинофестиваль арафасида ишга туширилган. Бош томоша зали (900 ўринли), 230 ва 50 ўринли яна 2 кичик томоша зали бор. Бино меъморлигида қуёш нуридан асрайдиган конструкциялар ва миллий меъморий элементлардан фойдаланилган; бўлар бино лойиҳаси ва шакли, ўрнида ўз аксини топган. Бош зал эллипс шаклда, 4 устунга таянган, чапдан маъмурий бино, ўнгдан клуб б-н туташ. Лойиҳалашда ташқи кўриниши б-н ички кўриниши ўзаро боғланган. Умумий ечими бинога мутаносиб бўлган ресторан (зали — 100 ўринли) ҳовли орқали бош томоша залига туташган. Бино миллий меъморий қисмлар, кичик меъморий шакллар ва фавворалар б-н жозибалаштирилган. Безагида Ғозғон мармари, гранит, ганч ўймакорлигидан фойдаланилган. Интерьеридаги Б. Жалолов ишлаган деворий расмларда ўзбек кино санъати ривожи акс эттирилган. К. у. да янги фильмлар кўриги, юбилейлар, томошабинлар б-н ижодий учрашувлар ва б. ўтказиб турилади. К.у. «Ўзбеккино» давлат акционерлик компаниясига қарайди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.