Klavixo
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 438–439-b. — ziyouz.com
Klavixo KLAVIXO, Rui Gonsales de Klavixo (? — 1412.2.4) — Kastiliya qiroli Genrix III (Enriko Ş)ning Amir Temur huzuriga yuborgan 2-elçiligi (tarkibida olim A. Paes va saroy şoiri Gomes de Salasar ham bölgan) rahbari. K. qad. va badavlat xonadonda tuğilgan. Elçilar 1403 y. 22 mayda Kadis ş.dan yölga çiqib, 15 oydan söng Samarqandga yetib kelgan. K. tomonidan yozilgan elçilik kundaligi (1403—06) bosib ötilgan manzillar (Kadis, Balear o.lari, Gaeta, Messina, Rodos, Xios, Konstantinopol, Trapezunt, Arzirum, Tabriz, Tehron, Nişopur, Maşhad, Balx, Buxoro, Samarqand)ning batafsil bayoni va etnografik ma'lumotlardan taşqari, Amir Temur saltanatining mukammal siyosiy-iqtisodiy tafsilotidan iborat. K.ning safar xotiralari 1-marta 1582 i. Argonte de Molina ş.da «Buyuk Temur tarixi» nomi b-n naşr etilgan. Asarda Amir Temurning Samarqanddagi Boği Dilkuşoda ötkazgan qabul marosimi, uşbu boğ tavsifi, şuningdek, Amir Temurning obodonçilik soxasida olib borgan siyosati batafsil bayon etilgan. U Yaqin Şarq va Örta Osiyo xalqlari tarixi böyiça qimmatli manba hisoblanadi.
As: Klavixo R. G. de, Dnevnik puteşestviya v Samarqand ko dvoru Timura (1403-1406), M., 1990.
Asl matn (kirill, PDF'dagidek)
КЛАВИХО, Руи Гонсалес де Клавихо (? — 1412.2.4) — Кастилия қироли Генрих III (Энрико Ш)нинг Амир Темур ҳузурига юборган 2-элчилиги (таркибида олим А. Паэс ва сарой шоири Гомес де Саласар ҳам бўлган) раҳбари. К. қад. ва бадавлат хонадонда туғилган. Элчилар 1403 й. 22 майда Кадис ш.дан йўлга чиқиб, 15 ойдан сўнг Самарқандга етиб келган. К. томонидан ёзилган элчилик кундалиги (1403—06) босиб ўтилган манзиллар (Кадис, Балеар о.лари, Гаэта, Мессина, Родос, Хиос, Константинополь, Трапезунт, Арзирум, Табриз, Теҳрон, Нишопур, Машҳад, Балх, Бухоро, Самарқанд)нинг батафсил баёни ва этнографик маълумотлардан ташқари, Амир Темур салтанатининг мукаммал сиёсий-иқтисодий тафсилотидан иборат. К.нинг сафар хотиралари 1-марта 1582 и. Аргонте де Молина ш.да «Буюк Темур тарихи» номи б-н нашр этилган. Асарда Амир Темурнинг Самарқанддаги Боғи Дилкушода ўтказган қабул маросими, ушбу боғ тавсифи, шунингдек, Амир Темурнинг ободончилик сохасида олиб борган сиёсати батафсил баён этилган. У Яқин Шарқ ва Ўрта Осиё халқлари тарихи бўйича қимматли манба ҳисобланади.
Ас: Клавихо Р. Г. де, Дневник путешествия в Самарқанд ко двору Тимура (1403-1406), М., 1990.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.