Klod Aşil Debyussi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 137-b. — ziyouz.com
Debyussi Klod Aşil Klod Aşil (1862.22.8, Sen-Jermen-an-Le, Parij yaqinida — 1918.25.3, Parij) — fransuz kompozitori, pianinoçi, dirijyor. Musiqiy impressionizm asosçisi. Parij konservatoriyasida ta'lim olib (1872—84) yurgan paytlarida Rim mukofotiga sazovor bölgan. 1885—86 y.lari Rimda, 1887 y.dan Parijda yaşagan. Pianinoçi va dirijyor sifatida bir neçta mamlakatlarda konsert bergan. Impressionizm va Şarq musiqasi ta'sirida şakllangan uslubi musiqiy-tasviriy vositalarning yorqinligi va nafisligi, garmoniya va çolğulaştiriş usullari yangiligi, kuylari nozik va gözalligi b-n ajralib turadi. «Pelleas va Melizanda» (M. Me-terlink dramasi asosida, 1902) operasi, «Öyinlar» (1912), «Kamma» (1912), «Öyinçoqlar qutisi» (1913) baletlari, simfonik orkestr uçun «Favnning tuşdan keyingi dam olişiga prelyudiya» (S. Mallarme asari asosida, 1894), «Noktyurnlar» turkumi (1899), «Dengiz» (1905), «Iberiya» syuitasi (1908), kantatalar, 50 dan ziyod romanslar, qator çolğu (şu jumladan, fortepiano uçun mukammmal turkum) asarlar muallifi.
Asl matn (kirill, PDF'dagidek)
ДЕБЮССИ (Debussy) Клод Ашиль (1862.22.8, Сен-Жермен-ан-Ле, Париж яқинида — 1918.25.3, Париж) — француз композитори, пианиночи, дирижёр. Мусиқий импрессионизм асосчиси. Париж консерваториясида таълим олиб (1872—84) юрган пайтларида Рим мукофотига сазовор бўлган. 1885—86 й.лари Римда, 1887 й.дан Парижда яшаган. Пианиночи ва дирижёр сифатида бир нечта мамлакатларда концерт берган. Импрессионизм ва Шарқ мусиқаси таъсирида шаклланган услуби мусиқий-тасвирий воситаларнинг ёрқинлиги ва нафислиги, гармония ва чолғулаштириш усуллари янгилиги, куйлари нозик ва гўзаллиги б-н ажралиб туради. «Пеллеас ва Мелизанда» (М. Ме-терлинк драмаси асосида, 1902) операси, «Ўйинлар» (1912), «Камма» (1912), «Ўйинчоқлар қутиси» (1913) балетлари, симфоник оркестр учун «Фавннинг тушдан кейинги дам олишига прелюдия» (С. Малларме асари асосида, 1894), «Ноктюрнлар» туркуми (1899), «Денгиз» (1905), «Иберия» сюитаси (1908), кантаталар, 50 дан зиёд романслар, қатор чолғу (шу жумладан, фортепиано учун мукамммал туркум) асарлар муаллифи.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.