Klyasterosporioz
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 456-b. — ziyouz.com
Klyasterosporioz KLYASTEROSPORIOZ, tyoşikçali doğlar — danakli meva daraxtlarida Clasterosporium carpophilun zamburuğlari qözğatadigan kasallik. Daraxtlarning bargi, kurtagi, guli, böğimlari, mevakurtak va kurtak şoxlari zararlanadi. Barglarda dumaloq oç-qönğir doğlar paydo bölib, 1—2 haftadan söng teşikçalar paydo böladi. Novda va kurtaklarda kiçkina mayda tiniq töq sariq, qizğiş doğlar paydo bölib, yoriladi, ulardan tiniq yelimsimon modda ajralib çiqadi. Zararlangan novda va kurtaklar qurib qoladi. Mevalarda ham dastlab mayda qizğiş doğlar, söngra zararlangan joylarda yoriqlar, meva pöstida qora qötirsimon doğlar yuzaga keladi. Bu kasallik köpinça örik, şaftoli, olça va gilosga katta zarar yetkazadi. Zamburuğ, asosan, zararlangan ösimlik qoldiqlarida mitseliy yoki konidiya şaklida qişlaydi. Bahorda yoğingarçilik köp bölganda kasallik avjlanadi.
Kuraş çoralari: asosan, közda zararlangan novda va şoxlar kesib, yoqib yuboriladi. Keç közda yoki kurtaklar börtişiga qadar mis kuporosi (3— 4%) yoki nitrafen (3%) purkaladi; kurtaklar börtişiga qadar, daraxt guldan tuşişi b-n va undan keyin 15— 20 kun ötkazib bordo suyuqligi, mis xlor oksidi, köprozan, sineb, kaptan, ftalan kabi föngitsidlar eritmasi purkaladi.
Maqsuda Eşonquloyea.
Asl matn (kirill, PDF'dagidek)
КЛЯСТЕРОСПОРИОЗ, тёшикчали доғлар — данакли мева дарахтларида Clasterosporium carpophilun замбуруғлари қўзғатадиган касаллик. Дарахтларнинг барги, куртаги, гули, бўғимлари, мевакуртак ва куртак шохлари зарарланади. Баргларда думалоқ оч-қўнғир доғлар пайдо бўлиб, 1—2 ҳафтадан сўнг тешикчалар пайдо бўлади. Новда ва куртакларда кичкина майда тиниқ тўқ сариқ, қизғиш доғлар пайдо бўлиб, ёрилади, улардан тиниқ елимсимон модда ажралиб чиқади. Зарарланган новда ва куртаклар қуриб қолади. Меваларда ҳам дастлаб майда қизғиш доғлар, сўнгра зарарланган жойларда ёриқлар, мева пўстида қора қўтирсимон доғлар юзага келади. Бу касаллик кўпинча ўрик, шафтоли, олча ва гилосга катта зарар етказади. Замбуруғ, асосан, зарарланган ўсимлик қолдиқларида мицелий ёки конидия шаклида қишлайди. Баҳорда ёғингарчилик кўп бўлганда касаллик авжланади.
Кураш чоралари: асосан, кўзда зарарланган новда ва шохлар кесиб, ёқиб юборилади. Кеч кўзда ёки куртаклар бўртишига қадар мис купороси (3— 4%) ёки нитрафен (3%) пуркалади; куртаклар бўртишига қадар, дарахт гулдан тушиши б-н ва ундан кейин 15— 20 кун ўтказиб бордо суюқлиги, мис хлор оксиди, кўпрозан, цинеб, каптан, фталан каби фўнгицидлар эритмаси пуркалади.
Мақсуда Эшонқулоеа.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.