Kobalt rudalari
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 459–460-b. — ziyouz.com
Kobalt rudalari — tarkibida kobalt bölgan rudalar, bunda ajratib olingan kobalt mikdori iqtisodiy jihatdan samarali bölişi lozim. K.r.ning asosiy minerallari: linneit Co3S4 (kobalt 57,96%), kobaltin CoAsS (kobalt 35,4%), skutterudit CoAs3 (kobalt 20,7%), sferokobaltit So (SO), (kobalt 50-55%), safflorit CoAs2 (kobalt 2,23%). Kobalt ning sanoatbop mikdori nikel, mis va temir konlarida böladi. Kobaltning rudadagi mikdori juda kam (4% gaça). Asosan, nikel-kumuş, mis-kol-çedani, temir va b. konlarda birikma holida uçraydi. K.r. uç xil: 1) mişyak-kobalt rudalari — asosiy minerallari skutterudit CoAs3 (16% —20% kobalt), şmaltinxloantit (So, Ni) As32 (kobaltinning mikdori 1—5% dan 20% gaça); 2) kobalt aralaşgan temir va nikel rudalari — asosiy minerallari — pirit (kobalt 0,01% dan 2,5% — 3% gaça) va pentlandit (kobalt 0,4% dan 2,5% gaça); 3) oksidlangan kobalt rudalari. Asosiy minerallari — eritrin, asbolan va b. K.r.ning dunyodagi zahirasi 6 mln. t dan ortiq. Eng yirik konlari Zambiya, Avstraliya, Indoneziya, Marokaş, Kanada, RF (Murmansk viloyati, Krasnoyarsk ölkasi), Qozoğiston, Ukraina va b. joylarda topilgan. Özbekistonda hozirça alohida kobalt konlari aniqlanmagan, biroq Olmalikdagi mis-molibden rudalari tarkibidagi pirit mineralida 700—800 g/t kobalt uçraydi.
Asl matn (kirill, PDF'dagidek)
КОБАЛЬТ РУДАЛАРИ — таркибида кобальт бўлган рудалар, бунда ажратиб олинган кобальт микдори иқтисодий жиҳатдан самарали бўлиши лозим. К.р.нинг асосий минераллари: линнеит Co3S4 (кобальт 57,96%), кобальтин CoAsS (кобальт 35,4%), скуттерудит CoAs3 (кобальт 20,7%), сферокобальтит Со (СО), (кобальт 50-55%), саффлорит CoAs2 (кобальт 2,23%). Кобальт нинг саноатбоп микдори никель, мис ва темир конларида бўлади. Кобальтнинг рудадаги микдори жуда кам (4% гача). Асосан, никель-кумуш, мис-кол-чедани, темир ва б. конларда бирикма ҳолида учрайди. К.р. уч хил: 1) мишьяк-кобальт рудалари — асосий минераллари скуттерудит CoAs3 (16% —20% кобальт), шмальтинхлоантит (Со, Ni) As32 (кобальтиннинг микдори 1—5% дан 20% гача); 2) кобальт аралашган темир ва никель рудалари — асосий минераллари — пирит (кобальт 0,01% дан 2,5% — 3% гача) ва пентландит (кобальт 0,4% дан 2,5% гача); 3) оксидланган кобальт рудалари. Асосий минераллари — эритрин, асболан ва б. К.р.нинг дунёдаги заҳираси 6 млн. т дан ортиқ. Энг йирик конлари Замбия, Австралия, Индонезия, Марокаш, Канада, РФ (Мурманск вилояти, Красноярск ўлкаси), Қозоғистон, Украина ва б. жойларда топилган. Ўзбекистонда ҳозирча алоҳида кобальт конлари аниқланмаган, бироқ Олмаликдаги мис-молибден рудалари таркибидаги пирит минералида 700—800 г/т кобальт учрайди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.