Kofir
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 677-b. — ziyouz.com
Kofir (arab. — inkor etuvçi, dinni rad etuvçi, ğayridin) — islom aqidasiga köra, islom dinini inkor etuvçi barça kişilar. Boşqa turli dinlarga e'tiqod qiluvçilar ham, heç qanday dinga işonmaydiganlar ham islomda K. hisoblanadi. Bundan taşqari, islom ta'limoti böyiça, işoniş va tasdiqlaş şart qilingan aqidaviy moddalardan birortasini inkor etgan musulmon ham K. sanaladi. Mas, biror payğambarning payğambarligini tan olmaslik, qiyomat bölişiga işonmaslik, Qur'onning ilohiy ekanini rad etiş, farz sanalgan ahkomlardan birortasi (namoz, röza, zakot, haj)ni farz emas deyiş, xarom qilingan narsani halol deyiş yoki halol narsani harom deyiş va b. Haromligini tasdiq etgan holda uni iste'mol qilsa yoki farz qilingan narsaning farzligini tan olsa-yu, lekin uni tark etsa K. bölmaydi, balki gunohkor hisoblanadi (moturidiylik aqidasi böyiça şunday). Bunga xilof tarzda e'tiqod qiluvçi islomiy firqalar ham mavjud.
Asl matn (kirill, PDF'dagidek)
КОФИР (араб. — инкор этувчи, динни рад этувчи, ғайридин) — ислом ақидасига кўра, ислом динини инкор этувчи барча кишилар. Бошқа турли динларга эътиқод қилувчилар ҳам, ҳеч қандай динга ишонмайдиганлар ҳам исломда К. ҳисобланади. Бундан ташқари, ислом таълимоти бўйича, ишониш ва тасдиқлаш шарт қилинган ақидавий моддалардан бирортасини инкор этган мусулмон ҳам К. саналади. Мас, бирор пайғамбарнинг пайғамбарлигини тан олмаслик, қиёмат бўлишига ишонмаслик, Қуръоннинг илоҳий эканини рад этиш, фарз саналган аҳкомлардан бирортаси (намоз, рўза, закот, ҳаж)ни фарз эмас дейиш, харом қилинган нарсани ҳалол дейиш ёки ҳалол нарсани ҳаром дейиш ва б. Ҳаромлигини тасдиқ этган ҳолда уни истеъмол қилса ёки фарз қилинган нарсанинг фарзлигини тан олса-ю, лекин уни тарк этса К. бўлмайди, балки гуноҳкор ҳисобланади (мотуридийлик ақидаси бўйича шундай). Бунга хилоф тарзда эътиқод қилувчи исломий фирқалар ҳам мавжуд.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.