Köhi Qof
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 896-b. — ziyouz.com
Köhi Qof — özbek ertak, doston va b. oğzaki ijod namunalarida afsonaviy toğ nomi. Rivoyatlarga köra, K. Q. dunyoning bir çetida bölib, unga eng jasoratli pahlavongina yetib bora oladi. Parilar yaşaydigan Iram boği ham şu yerda. U yerda Semurğ va Anko yaşaydi. Göröğli, Anaz singari xalq qahramonlari Balo toğidan ötib, devlarni yengib, K. Q.ga yetib borganlar. Eron mifologiyasiga köra, K. Q. — Semurğ makoni. Şuningdek, K. Q. Kavkaz toğlarining ramziy tasavvuri, degan tuşunça ham mavjud. «Gap desang qop-qop, Iş desang Köhi Qofdan top» degan özbek xalq maqolida K. Q.ning haddan ziyod olisda ekanligiga işora qilingan.
Asl matn (kirill, PDF'dagidek)
КЎҲИ ҚОФ — ўзбек эртак, достон ва б. оғзаки ижод намуналарида афсонавий тоғ номи. Ривоятларга кўра, К. Қ. дунёнинг бир четида бўлиб, унга энг жасоратли паҳлавонгина етиб бора олади. Парилар яшайдиган Ирам боғи ҳам шу ерда. У ерда Семурғ ва Анко яшайди. Гўрўғли, Аназ сингари халқ қаҳрамонлари Бало тоғидан ўтиб, девларни енгиб, К. Қ.га етиб борганлар. Эрон мифологиясига кўра, К. Қ. — Семурғ макони. Шунингдек, К. Қ. Кавказ тоғларининг рамзий тасаввури, деган тушунча ҳам мавжуд. «Гап десанг қоп-қоп, Иш десанг Кўҳи Қофдан топ» деган ўзбек халқ мақолида К. Қ.нинг ҳаддан зиёд олисда эканлигига ишора қилинган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.