Köhisim
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 896–897-b. — ziyouz.com
Köhisim (Qörğontepa) - Iloq davlatidagi qad. şahar xarobasi (6 — 11-a. lar). Nişboşsoyning Ohangaron daryosiga quyiliş yerida, Angren ş. yaqinida. 1960 y. D. P. Varxotova va V. A. Nilsen u yerda dastlabki qaziş işlarini olib borgan. Tadqiqotlar natijasida quyidagilar aniqlangan: K. 6—7-a.larda yirik yer egasi — dehqon qörğoni sifatida yuzaga kelgan. 8—9-a.larga kelib, qal'a-şaharga aylangan va mayd. 16 ga ni taşkil etgan. Bu davrda u 3 qism — qal'a, şahriston hamda raboddan iborat bölgan. Ravnaq topgan davri 9—10-a. larga töğri keladi. 1962 va 1963 y.larda olib borilgan qazişmalar vaqtida 10—11-a.larga oid ik-kita mis va kumuş tangalar xazinasi, paleolit davriga mansub çaqmoqtoşdan qilingan mehnat qurollari, sopol haykalça bölagi, 10-a. ga doir sopol va şişa idişlar siniklari topilgan. Şuningdek, Nişboşsoy böyidan qizil porfirit (toğ jinsi) dan yasalgan tegirmon toşi bölagi ham topilib, uning rudalarni maydalaşda işlatilgani ma'lum böldi.
Ad.: Buryakov Yu. F., Genezis i etapi razvitiya gorodskoy kulturi Taşkentskogo oazisa, T., 1982.
Asl matn (kirill, PDF'dagidek)
КЎҲИСИМ (Қўрғонтепа) - Илоқ давлатидаги қад. шаҳар харобаси (6 — 11-а. лар). Нишбошсойнинг Оҳангарон дарёсига қуйилиш ерида, Ангрен ш. яқинида. 1960 й. Д. П. Вархотова ва В. А. Нильсен у ерда дастлабки қазиш ишларини олиб борган. Тадқиқотлар натижасида қуйидагилар аниқланган: К. 6—7-а.ларда йирик ер эгаси — деҳқон қўрғони сифатида юзага келган. 8—9-а.ларга келиб, қалъа-шаҳарга айланган ва майд. 16 га ни ташкил этган. Бу даврда у 3 қисм — қалъа, шаҳристон ҳамда рабоддан иборат бўлган. Равнақ топган даври 9—10-а. ларга тўғри келади. 1962 ва 1963 й.ларда олиб борилган қазишмалар вақтида 10—11-а.ларга оид ик-кита мис ва кумуш тангалар хазинаси, палеолит даврига мансуб чақмоқтошдан қилинган меҳнат қуроллари, сопол ҳайкалча бўлаги, 10-а. га доир сопол ва шиша идишлар синиклари топилган. Шунингдек, Нишбошсой бўйидан қизил порфирит (тоғ жинси) дан ясалган тегирмон тоши бўлаги ҳам топилиб, унинг рудаларни майдалашда ишлатилгани маълум бўлди.
Ад.: Буряков Ю. Ф., Генезис и этапы развития городской культуры Ташкентского оазиса, Т., 1982.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.