«Kök köylak»
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 838–839-b. — ziyouz.com
«Kök köylak» — taşviqot janridagi estrada-teatr tomoşasi. «Jonli gazeta» asosida taşkil bölib, 1920— 30 y.lar keng tarqalgan. Qatnaşçilar sahnaga kök köylak kiyib çiqqanliklari uçun «K.k.» deb nom olgan. «K.k.»çilarga sahna, dekoratsiya, grim va alohida libosning hojati yöqligi uçun tomoşalar klublar, z-d va f-ka, öquv yurtlarida, şahar maydonlari va dala şiyponlarida körsatilgan. Dasturlari dolzarb mavzularga bağişlangan adabiy-badiiy montajlar, badiiy öqiş, intermediya, xor, raqslardan iborat bölgan.
Özbekistonda «K.k.» jamoalari, asosan, klublar va öquv yurtlari qoşida tuzilgan. 1925 y. Örta Osiyo un-ti, Toşkent töqimaçilik kombivati va b. joylarda «K.k.» jamoalari faoliyat körsatgan. Özbek «K.k.» tögaraqlari taşkilotçilaridan biri Ali Ardobus bölib, u Narimonov nomidagi Toşkent ped. bilim yurti qoşida, keyinçalik esa Samarqandda 75 kişilik «K. k.» jamoasini taşkil etdi. 20-y.larning 2-yarmidan Qöqon, Namangan, Andijon, Jizzax, Qarşi va b. vdaharlarda ham «K.k.» jamoalari taşkil böldi. Iştirokçilari öqituvçi va öquvçilardan taşkil topgan bölib, ular Hamza, Ğulom Zafariy, Söfizoda va b.ning asarlarini ijro etişgan. 30-y.lar oxiriga kelib, professional teatrlar köpaya boşlagaç, «K. k.» jamoalari tarqalib ketgan.
Mamajon Rahmonov.
Asl matn (kirill, PDF'dagidek)
«КЎК КЎЙЛАК» — ташвиқот жанридаги эстрада-театр томошаси. «Жонли газета» асосида ташкил бўлиб, 1920— 30 й.лар кенг тарқалган. Қатнашчилар саҳнага кўк кўйлак кийиб чиққанликлари учун «К.к.» деб ном олган. «К.к.»чиларга саҳна, декорация, грим ва алоҳида либоснинг ҳожати йўқлиги учун томошалар клублар, з-д ва ф-ка, ўқув юртларида, шаҳар майдонлари ва дала шийпонларида кўрсатилган. Дастурлари долзарб мавзуларга бағишланган адабий-бадиий монтажлар, бадиий ўқиш, интермедия, хор, рақслардан иборат бўлган.
Ўзбекистонда «К.к.» жамоалари, асосан, клублар ва ўқув юртлари қошида тузилган. 1925 й. Ўрта Осиё ун-ти, Тошкент тўқимачилик комбивати ва б. жойларда «К.к.» жамоалари фаолият кўрсатган. Ўзбек «К.к.» тўгарақлари ташкилотчиларидан бири Али Ардобус бўлиб, у Наримонов номидаги Тошкент пед. билим юрти қошида, кейинчалик эса Самарқандда 75 кишилик «К. к.» жамоасини ташкил этди. 20-й.ларнинг 2-ярмидан Қўқон, Наманган, Андижон, Жиззах, Қарши ва б. вдаҳарларда ҳам «К.к.» жамоалари ташкил бўлди. Иштирокчилари ўқитувчи ва ўқувчилардан ташкил топган бўлиб, улар Ҳамза, Ғулом Зафарий, Сўфизода ва б.нинг асарларини ижро этишган. 30-й.лар охирига келиб, профессионал театрлар кўпая бошлагач, «К. к.» жамоалари тарқалиб кетган.
Мамажон Раҳмонов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.