Kökqöton
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 855-b. — ziyouz.com
Kökqöton (Ardea cinerea) — laylaksimonlar turkumining qarqaralar oilasiga mansub quş. Oğirligi 1,5—2 kg. Modasi variga nisbatan kiçikroq. Modasining qanoti yozilganda 45 sm gaça, variniki — 47 sm gaça. Patlari kulrang, qanoti qora, boşida qora kokili bor. Yevropa, Osiyo va Afrikadagi suv havzalarida yaşaydi. Hindistonda, Kaspiy dengizining jan. qirğoklarida, Örta dengiz va Zakavkazyeda, ayrimlari Ohangaron va Çirçiq vodiylarida qişlaydi. Uyalarini gala bölib yoki boşqa turlar b-n aralaşib qamişzor va daraxtlarga quradi. 4—6 ta tuxum qöyadi. Tuxumini vari va modasi galma-gal bosadi. Inkubatsiya davri 26—27 kun. Jöjalarning böyi 2 oyda voyaga yetgan quşlarga tenglaşadi. K. baliq, baqa, itbaliq, ilon, kaltakesak, kemiruvçilar b-n oziqlanadi.
Asl matn (kirill, PDF'dagidek)
КЎКҚЎТОН (Ardea cinerea) — лайлаксимонлар туркумининг қарқаралар оиласига мансуб қуш. Оғирлиги 1,5—2 кг. Модаси варига нисбатан кичикроқ. Модасининг қаноти ёзилганда 45 см гача, вариники — 47 см гача. Патлари кулранг, қаноти қора, бошида қора кокили бор. Европа, Осиё ва Африкадаги сув ҳавзаларида яшайди. Ҳиндистонда, Каспий денгизининг жан. қирғокларида, Ўрта денгиз ва Закавказьеда, айримлари Оҳангарон ва Чирчиқ водийларида қишлайди. Уяларини гала бўлиб ёки бошқа турлар б-н аралашиб қамишзор ва дарахтларга қуради. 4—6 та тухум қўяди. Тухумини вари ва модаси галма-гал босади. Инкубация даври 26—27 кун. Жўжаларнинг бўйи 2 ойда вояга етган қушларга тенглашади. К. балиқ, бақа, итбалиқ, илон, калтакесак, кемирувчилар б-н озиқланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.