Kollizion normalar
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 490–491-b. — ziyouz.com
Kollizion normalar - fuqarolik, oila, mehnat va xalqaro tusdagi boşqa huquqiy munosabatga qaysi davlat huquqi qöllanilişi lozimligini körsatuvçi meyorlar. Kollizion huquk tarkibiga kiradi. Bunday huquqiy munosabat yuzaga kelgan paytda sud yoki boşqa davlat organi oldida mazkur munosabatga şu davlatning milliy huquqini yoki çet el huquqini qöllaniş lozimligi masalasi hal qilinadi. Özbekiston FKning 6 bölimida xalqaro xususiy huquq normalarini fuqarolik-huquqiy munosabatlarga nisbatan tatbiq qilişning umumiy qoidalari, jismoniy va yuridik şaxslar, şaxsiy nomulkiy huquqlar, intellektual bitimlar, vakillik, da'vo muddati, aşyoviy huquqlar, şartnoma va şartnomadan taşkari majburiyatlarga, vorislik huquqiga oid K.n.lar belgilab berilgan. Ularga köra, jismoniy şaxs qaysi mamlakat fuqarosi bölsa, şu mamlakat huquqi uning şaxsiy qonuni hisoblanadi. Şaxs ikki yoki undan ortiq fuqarolikka ega bölgan takdirda, u qaysi mamlakat b-n eng köp uzviy boğlangan bölsa, uning uçun öşa mamlakat huquqi şaxsiy qonun hisoblanadi. Fuqaroligi bölmagan şaxs qaysi mamlakatda doimiy yaşab turgan bölsa, öşa mamlakat huquqi uning şaxsiy huquqi hisoblanadi. Jismoniy şaxsning HUKUQ va muomala layoqatlari uning şaxsiy qonuni b-n belgilanadi. Çet el fuqarolari va fuqaroligi bölmagan şaxslar ÖzRda fuqarolik huquq layoqatida ÖzR fuqarolari b-n teng ravişda foydalanadi. ÖzR qonunlari yoki xalqaro şartnomalarda belgilangan hollar bundan mustasno (FK, 1168, 1169-moddalar).
Asl matn (kirill, PDF'dagidek)
КОЛЛИЗИОН НОРМАЛАР - фуқаролик, оила, меҳнат ва халқаро тусдаги бошқа ҳуқуқий муносабатга қайси давлат ҳуқуқи қўлланилиши лозимлигини кўрсатувчи меъёрлар. Коллизион ҳуқук таркибига киради. Бундай ҳуқуқий муносабат юзага келган пайтда суд ёки бошқа давлат органи олдида мазкур муносабатга шу давлатнинг миллий ҳуқуқини ёки чет эл ҳуқуқини қўлланиш лозимлиги масаласи ҳал қилинади. Ўзбекистон ФКнинг 6 бўлимида халқаро хусусий ҳуқуқ нормаларини фуқаролик-ҳуқуқий муносабатларга нисбатан татбиқ қилишнинг умумий қоидалари, жисмоний ва юридик шахслар, шахсий номулкий ҳуқуқлар, интеллектуал битимлар, вакиллик, даъво муддати, ашъёвий ҳуқуқлар, шартнома ва шартномадан ташкари мажбуриятларга, ворислик ҳуқуқига оид К.н.лар белгилаб берилган. Уларга кўра, жисмоний шахс қайси мамлакат фуқароси бўлса, шу мамлакат ҳуқуқи унинг шахсий қонуни ҳисобланади. Шахс икки ёки ундан ортиқ фуқароликка эга бўлган такдирда, у қайси мамлакат б-н энг кўп узвий боғланган бўлса, унинг учун ўша мамлакат ҳуқуқи шахсий қонун ҳисобланади. Фуқаролиги бўлмаган шахс қайси мамлакатда доимий яшаб турган бўлса, ўша мамлакат ҳуқуқи унинг шахсий ҳуқуқи ҳисобланади. Жисмоний шахснинг ҲУКУҚ ва муомала лаёқатлари унинг шахсий қонуни б-н белгиланади. Чет эл фуқаролари ва фуқаролиги бўлмаган шахслар ЎзРда фуқаролик ҳуқуқ лаёқатида ЎзР фуқаролари б-н тенг равишда фойдаланади. ЎзР қонунлари ёки халқаро шартномаларда белгиланган ҳоллар бундан мустасно (ФК, 1168, 1169-моддалар).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.