Kolrabi
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 507–508-b. — ziyouz.com
Kolrabi KOLRABI, Kolrabi karami (Brassica gongyloides L.) — ikki yillik sabzavot ekini, karamning bir turi. Birinçi yili poyameva beradi; ikkinçi yili esa gul novdalar çiqarib, gul va uruğ hosil qiladi. 2 ta kenja turi: osiyo kenja turi (ssp.asiatica Lizg.) va ğarbiy yevropa kenja turi (ssp.occidentali — europaea Lizg.) bor. Ildiz tizimi kuçli rivojlangan. Poya — meva şakllanişida 7—8 çinbarg çiqaradi. Tubbargi kiçkina. Bargi bandli, uçburçak yoki tuxumsimon. Diametri 10—15 sm yögonlaşgan, şakli şolğomni eslatadigan poya mevasi b-n qolgan barça karamlardan ajralib turadi. Rangi oç-kökimtir, binafşa yoki qizğiş. Tuproq quruq, namlik kam bölsa poyamevasi mayda, dağal böladi. Ekin juda ertapişar, nihollar paydo bölganidan keyin 65—80 kundan söng hosil yiğiştiriladi. Keçpişar navlarining ösuv davri 120—150 kun. Ertapişar navlarining hosildorligi 120— 240 s/ga, keçpişarlariniki 500—600 s/ga. Özbekistonda Oq Vena 1350 ertagi navi ekiladi. K.ning ekiş muddati va parvarişlaş texnologiyasi oddiy karamnikiga öxşaş.
Ad.: Lebedeva A.T., Yerşov I.I., Bunin M.S., Vaş ogorod. Kolrabi, M., 1994.
Asl matn (kirill, PDF'dagidek)
КОЛЬРАБИ, Кольраби карами (Brassica gongyloides L.) — икки йиллик сабзавот экини, карамнинг бир тури. Биринчи йили поямева беради; иккинчи йили эса гул новдалар чиқариб, гул ва уруғ ҳосил қилади. 2 та кенжа тури: осиё кенжа тури (ssp.asiatica Lizg.) ва ғарбий европа кенжа тури (ssp.occidentali — europaea Lizg.) бор. Илдиз тизими кучли ривожланган. Поя — мева шаклланишида 7—8 чинбарг чиқаради. Туббарги кичкина. Барги бандли, учбурчак ёки тухумсимон. Диаметри 10—15 см йўгонлашган, шакли шолғомни эслатадиган поя меваси б-н қолган барча карамлардан ажралиб туради. Ранги оч-кўкимтир, бинафша ёки қизғиш. Тупроқ қуруқ, намлик кам бўлса поямеваси майда, дағал бўлади. Экин жуда эртапишар, ниҳоллар пайдо бўлганидан кейин 65—80 кундан сўнг ҳосил йиғиштирилади. Кечпишар навларининг ўсув даври 120—150 кун. Эртапишар навларининг ҳосилдорлиги 120— 240 ц/га, кечпишарлариники 500—600 ц/га. Ўзбекистонда Оқ Вена 1350 эртаги нави экилади. К.нинг экиш муддати ва парваришлаш технологияси оддий карамникига ўхшаш.
Ад.: Лебедева А.Т., Ершов И.И., Бунин М.С., Ваш огород. Кольраби, М., 1994.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.