Kolxida pasttekisligi
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 506-b. — ziyouz.com
Kolxida pasttekisligi - Gruziyadagi pasttekislik. Ğarbiy Zakavkazyeda, ğarbda Qora dengiz sohili, şim.-şarqda Katta Kavkaz va jan. da Kiçik Kavkaz toğlari oraliğida. Dengiz sohili böylab Suxumi şahridan Kobuleti şahrigaça çözilgan. K.p. — allyuvial tekislik; antropogen allyuviysining qalinligi 700 m gaça. Neft-gaz konlari, mineral buloqlar (Sxaltubo) bor. Iqlimi nam subtropik. Yil böyi yoğin yoğadi (yillik yoğin 1500 mm). Yanv. ning örtaça t-rasi 4,5 dan 6° gaça, avg. niki 23—24°. K.p.ni Rioni, Inguri va b. daryolar kesib ötadi. Dengiz böyidagi Poti ş. yaqinida Paleostomi köli bor. K.p.ning ğarbida botqoqlik landşaftlari mavjud. Botqoqliklarda qandağoç örmonlari katta maydonni egallaydi. Balandroq çekka qismlari dub, qora qayin, doim yaşil buta va çirmovuklar b-n qoplangan. K.p.da ğalla ekinlari (asosan, makkajöxori) ekiladi; bog va subtropik mevazorlar bor.
Asl matn (kirill, PDF'dagidek)
КОЛХИДА ПАСТТЕКИСЛИГИ - Грузиядаги пасттекислик. Ғарбий Закавказьеда, ғарбда Қора денгиз соҳили, шим.-шарқда Катта Кавказ ва жан. да Кичик Кавказ тоғлари оралиғида. Денгиз соҳили бўйлаб Сухуми шаҳридан Кобулети шаҳригача чўзилган. К.п. — аллювиал текислик; антропоген аллювийсининг қалинлиги 700 м гача. Нефть-газ конлари, минерал булоқлар (Цхалтубо) бор. Иқлими нам субтропик. Йил бўйи ёғин ёғади (йиллик ёғин 1500 мм). Янв. нинг ўртача т-раси 4,5 дан 6° гача, авг. ники 23—24°. К.п.ни Риони, Ингури ва б. дарёлар кесиб ўтади. Денгиз бўйидаги Поти ш. яқинида Палеостоми кўли бор. К.п.нинг ғарбида ботқоқлик ландшафтлари мавжуд. Ботқоқликларда қандағоч ўрмонлари катта майдонни эгаллайди. Баландроқ чекка қисмлари дуб, қора қайин, доим яшил бута ва чирмовуклар б-н қопланган. К.п.да ғалла экинлари (асосан, маккажўхори) экилади; бог ва субтропик мевазорлар бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.