«Kömir» aksiyadorlik birlaşmasi
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 860–861-b. — ziyouz.com
«Kömir» aksiyadorlik birlaşmasi — Özbekistonda yirik kömir qazib oliş va sotiş aksiyadorlik birlaşmasi. Boşqaruvi Toşkent ş.da joylaşgan. «Özbekenergiya» davlat-aksiyadorlik kompaniyasi tarkibiga kiradi. Dastlab 1927 y.da «Örta Osiyo kömir» («Sredazugol») kti nomida taşkil etilib, Örta Osiyo respubli-kalaridagi barça kömir konlarini boşqargan. 1994 y. dan hoz. aksiyadorlik birlaşmasi. Qönğir kömir, toş-kömir, toşkömir briketlari, yer os-tida kömirdan gaz, boyitilgan kaolin va b. mahsulotlar işlab çiqaradi. Birlaşma tarkibida kömir qazib oluvçi «Angren», «Apartak» oçiq konlari, 9-şaxta, «Şarğun», «Boysun» şaxtalari, «Yerostigaz» st-yasi va 20 ga yaqin korxonalar, taşkilotlar, ak-siyadorlik jamiyatlari bor. Birlaş-mada 2001 y.da jami 2711 ming t kömir (2619 ming t qönğir kömir, 92 ming t toşkömir) qazib olindi, 47 ming t kömir briketlari, 63 mln. m3 yer osti gazi işlab çiqarildi. Birlaşmada 10 mingga yaqin kişi mehnat qildi (2001). 1996 y. dan buyon AQŞ, Yaponiya va Germaniya firmalari şartnoma asosida kon uskunalari yetkazib bermokda. Birlaşma tarkibida Özbekiston — Germaniya «Kaolin» qöşma korxonasi taşkil etilgan. 1999 y.da yiliga 200 ming t boyitilgan kaolin işlab çiqaruvçi f-ka işga tuşdi. 2001 y.da 10,1 ming t kaolin eksport qilindi.
Hamroqul Xursanov.
Asl matn (kirill, PDF'dagidek)
«КЎМИР» АКЦИЯДОРЛИК БИРЛАШМАСИ — Ўзбекистонда йирик кўмир қазиб олиш ва сотиш акциядорлик бирлашмаси. Бошқаруви Тошкент ш.да жойлашган. «Ўзбекэнергия» давлат-акциядорлик компанияси таркибига киради. Дастлаб 1927 й.да «Ўрта Осиё кўмир» («Средазуголь») кти номида ташкил этилиб, Ўрта Осиё республи-каларидаги барча кўмир конларини бошқарган. 1994 й. дан ҳоз. акциядорлик бирлашмаси. Қўнғир кўмир, тош-кўмир, тошкўмир брикетлари, ер ос-тида кўмирдан газ, бойитилган каолин ва б. маҳсулотлар ишлаб чиқаради. Бирлашма таркибида кўмир қазиб олувчи «Ангрен», «Апартак» очиқ конлари, 9-шахта, «Шарғун», «Бойсун» шахталари, «Еростигаз» ст-яси ва 20 га яқин корхоналар, ташкилотлар, ак-циядорлик жамиятлари бор. Бирлаш-мада 2001 й.да жами 2711 минг т кўмир (2619 минг т қўнғир кўмир, 92 минг т тошкўмир) қазиб олинди, 47 минг т кўмир брикетлари, 63 млн. м3 ер ости гази ишлаб чиқарилди. Бирлашмада 10 мингга яқин киши меҳнат қилди (2001). 1996 й. дан буён АҚШ, Япония ва Германия фирмалари шартнома асосида кон ускуналари етказиб бермокда. Бирлашма таркибида Ўзбекистон — Германия «Каолин» қўшма корхонаси ташкил этилган. 1999 й.да йилига 200 минг т бойитилган каолин ишлаб чиқарувчи ф-ка ишга тушди. 2001 й.да 10,1 минг т каолин экспорт қилинди.
Ҳамроқул Хурсанов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.