Kommunal xöjalik maşinalari
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 527-b. — ziyouz.com
Kommunal xöjalik maşinalari — aholi yaşaydigan joylar hududini, jamoa binolarini tozalaydigan va yiğiştiradigan, kiyim-keçaklarni yuvadigan va kimyoviy tozalaydigan maşinalar. Aholi yaşaydigan joylarni tozalaşda axlat taşiydigan (konteynerli, kuzovli) maşinalar, suv sepiş-yuviş maşinalari, supuriş-tozalaş maşinalari, öra tozalaş (avtotsisternalar), yölkalar va plyajlarni tozalaş, qor kuraş, qum sepiş maşinalari, universal yuklagiçlar va b. işlatiladi. Bu maşinalarning ba'zilarida olib qöyiladigan jihozlari böladi. Jamoa binolarini tozalaşda supuradigan, supuriş-çang söradigan, suv sepiş-çang söradigan, pol artadigan va b. maşinalardan foydalaniladi. Maysazorlar va kökatlarni texnik jihatdan saqlaşda maysazorlarni öradigan, buta qirqadigan (butalaydigan) maşinalardan, avtomatik suv purkagiçlardan foydalaniladi. Bölardan taşqari, kanalizatsiya tar-moqlari quduqlarini tozalaydigan içimlik suvlari olinadigan quduqlarni ta'mirlaydigan va tozalaydigan, maşinalar ham mavjud. Şahar va qişloqlarning kommunal va turar joy xöjaliklarida vodoprovod va kanalizatsiya, gaz, issiqlik va elektr tarmoqlari uçun operativ işlaydigan hamda avariya yuz berganda foydalaniladigan maşinalar, şahar elektr transporti vositalarini, yöl töşamalarini, turar joy binolarini ta'mirlaşda işlatiladigan va b. maşinalar mavjud.
Asl matn (kirill, PDF'dagidek)
КОММУНАЛ ХЎЖАЛИК МАШИНАЛАРИ — аҳоли яшайдиган жойлар ҳудудини, жамоа биноларини тозалайдиган ва йиғиштирадиган, кийим-кечакларни ювадиган ва кимёвий тозалайдиган машиналар. Аҳоли яшайдиган жойларни тозалашда ахлат ташийдиган (контейнерли, кузовли) машиналар, сув сепиш-ювиш машиналари, супуриш-тозалаш машиналари, ўра тозалаш (автоцистерналар), йўлкалар ва пляжларни тозалаш, қор кураш, қум сепиш машиналари, универсал юклагичлар ва б. ишлатилади. Бу машиналарнинг баъзиларида олиб қўйиладиган жиҳозлари бўлади. Жамоа биноларини тозалашда супурадиган, супуриш-чанг сўрадиган, сув сепиш-чанг сўрадиган, пол артадиган ва б. машиналардан фойдаланилади. Майсазорлар ва кўкатларни техник жиҳатдан сақлашда майсазорларни ўрадиган, бута қирқадиган (буталайдиган) машиналардан, автоматик сув пуркагичлардан фойдаланилади. Бўлардан ташқари, канализация тар-моқлари қудуқларини тозалайдиган ичимлик сувлари олинадиган қудуқларни таъмирлайдиган ва тозалайдиган, машиналар ҳам мавжуд. Шаҳар ва қишлоқларнинг коммунал ва турар жой хўжаликларида водопровод ва канализация, газ, иссиқлик ва электр тармоқлари учун оператив ишлайдиган ҳамда авария юз берганда фойдаланиладиган машиналар, шаҳар электр транспорти воситаларини, йўл тўшамаларини, турар жой биноларини таъмирлашда ишлатиладиган ва б. машиналар мавжуд.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.