Kompot
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 536-b. — ziyouz.com
Kompot (frans. compote) — 1) qoqi va höl mevadan qaynatilib tayyorlanadigan yaxna içimlik. Turşak, toğolça, olma va b. mevalar qoqisidan K. tayyorlaş uçun meva sovuq suvda yuvilgaç, kostryulkaga solib, suv quyiladi va qopqoği yopib qaynatiladi. 1 kg qoqiga 2 l suv kifoya. Yangi mevadan K. tayyorlaşda meva pösti artilib, parrak-parrak qilib töğraladi, şakarli suvga solinib 10—15 min. qaynatiladi (1 l suvga 500 g meva, 200 g şakar); 2) mevalardan tayyorlanadigan konservalar. Dastlab şakardan 30—50% li K. şarbati tayyorlanadi (30% li qiyom uçun 300 g şakar va 700 g suv). Olma K. uçun tanlangan olmani sovuq suvda yuvib, butunligiça yoki 4—8 bölakka bölinib, çovliga solinadi va qaynoq suvda 3 min. pişib, suvi sirqitiladi, bankaga solinib, ustidan 35% li qaynoq şarbat quyiladi. Söngra banka qopqoği yopilib, yoğoç panjara (taglik) örnatilgan kostryulkada sterilizatsiya qilinadi. 5 kg olma uçun 1,75 kg şakar, 4,25 l suv kerak. Sterilizatsiya muddati: suv qaynab çiqqandan söng har 1 l banka hajmi uçun 20 min., söng banka qopqoği qopqoq yopadigan maşinka b-n mustahkam yopiladi va töntarilgan holda sovitiladi.
Asl matn (kirill, PDF'dagidek)
КОМПОТ (франц. compote) — 1) қоқи ва ҳўл мевадан қайнатилиб тайёрланадиган яхна ичимлик. Туршак, тоғолча, олма ва б. мевалар қоқисидан К. тайёрлаш учун мева совуқ сувда ювилгач, кострюлкага солиб, сув қуйилади ва қопқоғи ёпиб қайнатилади. 1 кг қоқига 2 л сув кифоя. Янги мевадан К. тайёрлашда мева пўсти артилиб, паррак-паррак қилиб тўғралади, шакарли сувга солиниб 10—15 мин. қайнатилади (1 л сувга 500 г мева, 200 г шакар); 2) мевалардан тайёрланадиган консервалар. Дастлаб шакардан 30—50% ли К. шарбати тайёрланади (30% ли қиём учун 300 г шакар ва 700 г сув). Олма К. учун танланган олмани совуқ сувда ювиб, бутунлигича ёки 4—8 бўлакка бўлиниб, човлига солинади ва қайноқ сувда 3 мин. пишиб, суви сирқитилади, банкага солиниб, устидан 35% ли қайноқ шарбат қуйилади. Сўнгра банка қопқоғи ёпилиб, ёғоч панжара (таглик) ўрнатилган кострюлкада стерилизация қилинади. 5 кг олма учун 1,75 кг шакар, 4,25 л сув керак. Стерилизация муддати: сув қайнаб чиққандан сўнг ҳар 1 л банка ҳажми учун 20 мин., сўнг банка қопқоғи қопқоқ ёпадиган машинка б-н мустаҳкам ёпилади ва тўнтарилган ҳолда совитилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.