Konfet
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 587–588-b. — ziyouz.com
Konfet (lot. confectus — tayyorlangan) — qandolat mahsuloti. Şakar qiyomi asosida turli krrişmada: şokoladli, pomadali, sutli, mevali, yonğoqli va b. xillari bir yoki bir neça K. masalliklaridan tayyorlanadi. Şakl berilgan sirtiga şakar, kakao, yonğoq, vafli yoki şokolad upasi, hid va ta'm beruvçi moddalar (kakao, vanilin va b.) sepiladi, içiga esa likyor, sut, asal, yonğoq, povidlo va b. solinadi. K. tayyorlaş kuyidagi jarayonlarni: K. massasini tayyorlaş, K.ga şakl beriş, sirtiga şakar va b. sepiş, pardozlaş, öraş va idişlarga joylaşni öz içiga oladi. Issiq qiyom massasi qoliplarga quyiladi, sovib qotgaç, siqiq havo yoki çötka b-n qolipdan tuşiriladi. Bölaş konveyerida şakar va b.ga bölanib, sovitiş kamerasidan ötkaziladi va bölaklarga ajratiladi. K. tayyorlaş turli maşina va mexanizmlar yordamida bajariladi. K. sirt qavatini tayyorlaşda pomada, pomada-krem, meva, jele, jele-meva, paralin, sut, likyor, krem va b.dan foydalaniladi. Qandolat sanoatida köproq pomadali konfetlar (40%) işlab çiqariladi.
K. tarkibining asosiy qismini şakar (47,3 dan — 86,8%), qolganlarini esa kraxmal patokasi, asal, meva, rezavor mevalar, kakao, yonğoqlar (funduk, bodom, yer yonğoq), hayvon va ösimlik yoğlari, sut va tuxum mahsulotlari taşqil qiladi. 100 g konfetning kaloriyasi 1427—2368 kJ atrofida. Yaxşi va pokiza saqlanişi uçun K. qoğoz yoki zar etiketkaga öraladi. Özbekistonda «Özdonmahsulot» davlat-aksiyadorlik korporatsiyasi, «Özoziqovqatsanoat» davlat-aksiyadorlik konserni, «Özbekbirlaşuv» uyuşmasi tarkibiga kiradigan korxonalarda işlab çiqariladi (q. Qandolaşçilik sanoati).
Ad.: Istomina M. M., Eyntor M.B., Sokolovskaya T. A., i dr., Konfeti, M., 1979; Lurye I. S, Texnologiya konditerskogo proizvodstva, M., 1992.
Pölat Tursunxöjayev.
Asl matn (kirill, PDF'dagidek)
КОНФЕТ (лот. confectus — тайёрланган) — қандолат маҳсулоти. Шакар қиёми асосида турли крришмада: шоколадли, помадали, сутли, мевали, ёнғоқли ва б. хиллари бир ёки бир неча К. масалликларидан тайёрланади. Шакл берилган сиртига шакар, какао, ёнғоқ, вафли ёки шоколад упаси, ҳид ва таъм берувчи моддалар (какао, ванилин ва б.) сепилади, ичига эса ликёр, сут, асал, ёнғоқ, повидло ва б. солинади. К. тайёрлаш куйидаги жараёнларни: К. массасини тайёрлаш, К.га шакл бериш, сиртига шакар ва б. сепиш, пардозлаш, ўраш ва идишларга жойлашни ўз ичига олади. Иссиқ қиём массаси қолипларга қуйилади, совиб қотгач, сиқиқ ҳаво ёки чўтка б-н қолипдан туширилади. Бўлаш конвейерида шакар ва б.га бўланиб, совитиш камерасидан ўтказилади ва бўлакларга ажратилади. К. тайёрлаш турли машина ва механизмлар ёрдамида бажарилади. К. сирт қаватини тайёрлашда помада, помада-крем, мева, желе, желе-мева, паралин, сут, ликёр, крем ва б.дан фойдаланилади. Қандолат саноатида кўпроқ помадали конфетлар (40%) ишлаб чиқарилади.
К. таркибининг асосий қисмини шакар (47,3 дан — 86,8%), қолганларини эса крахмал патокаси, асал, мева, резавор мевалар, какао, ёнғоқлар (фундук, бодом, ер ёнғоқ), ҳайвон ва ўсимлик ёғлари, сут ва тухум маҳсулотлари ташқил қилади. 100 г конфетнинг калорияси 1427—2368 кЖ атрофида. Яхши ва покиза сақланиши учун К. қоғоз ёки зар этикеткага ўралади. Ўзбекистонда «Ўздонмаҳсулот» давлат-акциядорлик корпорацияси, «Ўзозиқовқатсаноат» давлат-акциядорлик концерни, «Ўзбекбирлашув» уюшмаси таркибига кирадиган корхоналарда ишлаб чиқарилади (қ. Қандолашчилик саноати).
Ад.: Истомина М. М., Эйнтор М.Б., Соколовская Т. А., и др., Конфеты, М., 1979; Лурье И. С, Технология кондитерского производства, М., 1992.
Пўлат Турсунхўжаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.