Kongress kutubxonasi
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 555-b. — ziyouz.com
Kongress kutubxonasi (The Library of congress), AQŞ Milliy kutubxonasi — jahondagi eng yirik kutubxonalardan biri. 1800 y.da AQŞ kongressi tomonidan Prezident T. Jeffersonning kutubxonasi negizida bunyod etilgan. Jahonning 450 dan ortiq tillaridagi 90 mln.dan ziyod bosma nusxa saqlanadi (2002). Asosan, hokimiyat organlari, tadqiqot muassasalari, ilmiy xodimlar, xususiy firmalar va sanoat kompaniyalariga, şuningdek, keng jamoatçilikka xizmat körsatadi. K.k. universal fondi kuniga 31 ming bosma birlik b-n töldiriladi; jahon böyiça eng katta xaritalar (3 mln.dan ortiq), 3,5 mln.dan ortiq musiqa — nota adabiyotlari, 30 mln.dan ziyod qölyozma materiallar, katta mikdordagi kinofilmlar, mikrofilmlar fondiga ega. AQŞ prezidentlari yiqqan kitob töplamlari 5,5 mingdan ortiq, xitoy va yapon adabiyotlari, noyob Amerika naşrlari saqlanadi. K.k. 1500 mingdan ziyod kitobxonga 20 dan ortiq qiroatxonalari orqali xizmat körsatadi. 20-a. boşidan boşlab Amerikadagi 117000 ga yaqin boşqa kutubxonalarni kataloglar b-n ta'minlaydi.
Ötgan asr oxirlarida optik disklar va b. yangi texnologiya vositalari yordamida «Amerika xotirasi» turkumi yaratila boşlandi, uning yordamida mahalliy kutubxonalar fondlari qad., naşr qilinmagan musiqa, tasviriy, dramatik asarlar, Amerika tarixiga oid kamyob materiallar b-n töldiriladi.
21-a.da K.k. fondi dunyo ilm ahliga (internet yordamida) oçiq holga keltiriladi.
Asl matn (kirill, PDF'dagidek)
КОНГРЕСС КУТУБХОНАСИ (The Library of congress), АҚШ Миллий кутубхонаси — жаҳондаги энг йирик кутубхоналардан бири. 1800 й.да АҚШ конгресси томонидан Президент Т. Жефферсоннинг кутубхонаси негизида бунёд этилган. Жаҳоннинг 450 дан ортиқ тилларидаги 90 млн.дан зиёд босма нусха сақланади (2002). Асосан, ҳокимият органлари, тадқиқот муассасалари, илмий ходимлар, хусусий фирмалар ва саноат компанияларига, шунингдек, кенг жамоатчиликка хизмат кўрсатади. К.к. универсал фонди кунига 31 минг босма бирлик б-н тўлдирилади; жаҳон бўйича энг катта хариталар (3 млн.дан ортиқ), 3,5 млн.дан ортиқ мусиқа — нота адабиётлари, 30 млн.дан зиёд қўлёзма материаллар, катта микдордаги кинофильмлар, микрофильмлар фондига эга. АҚШ президентлари йиққан китоб тўпламлари 5,5 мингдан ортиқ, хитой ва япон адабиётлари, ноёб Америка нашрлари сақланади. К.к. 1500 мингдан зиёд китобхонга 20 дан ортиқ қироатхоналари орқали хизмат кўрсатади. 20-а. бошидан бошлаб Америкадаги 117000 га яқин бошқа кутубхоналарни каталоглар б-н таъминлайди.
Ўтган аср охирларида оптик дисклар ва б. янги технология воситалари ёрдамида «Америка хотираси» туркуми яратила бошланди, унинг ёрдамида маҳаллий кутубхоналар фондлари қад., нашр қилинмаган мусиқа, тасвирий, драматик асарлар, Америка тарихига оид камёб материаллар б-н тўлдирилади.
21-а.да К.к. фонди дунё илм аҳлига (интернет ёрдамида) очиқ ҳолга келтирилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.