Konservatizm
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 566–567-b. — ziyouz.com
Konservatizm — ijtimoiy va madaniy hayotda an'ana va vorislik ğoyasiga tayanuvçi xilma-xil ğoyaviy-siyosiy va madaniy oqimlar majmui. Tarixda K. turli şakllarda namoyon bölgan, lekin, umuman olganda, mavjud va barqaror ijtimoiy tizimlar hamda meyorlarga moyillik, inqilob va keskin islohotlarni qabul qilmaslik — K.ga xos asosiy xususiyat hisoblangan. Ijtimoiy özgarişlar yuz berayotgan şaroitda K. eski tartiblarni qayta tiklaş, boy berilgan mavqelarni asl holiga qaytariş va ötmişni ideallaştirişda körinadi. «K» termini birinçi bor fransuz adibi F. Şatobrian tomonidan qöllanilgan hamda 18-a. oxirida Buyuk fransuz inqilobi davrida aristokratiya mafkörasini ifodalovçi qaraşlar yiğindisini bildirgan. Kapitalizm qaror topayotgan davrda K. ğarbda liberalizm va sotsializma qarşi turgan.
Asl matn (kirill, PDF'dagidek)
КОНСЕРВАТИЗМ — ижтимоий ва маданий ҳаётда анъана ва ворислик ғоясига таянувчи хилма-хил ғоявий-сиёсий ва маданий оқимлар мажмуи. Тарихда К. турли шаклларда намоён бўлган, лекин, умуман олганда, мавжуд ва барқарор ижтимоий тизимлар ҳамда меъёрларга мойиллик, инқилоб ва кескин ислоҳотларни қабул қилмаслик — К.га хос асосий хусусият ҳисобланган. Ижтимоий ўзгаришлар юз бераётган шароитда К. эски тартибларни қайта тиклаш, бой берилган мавқеларни асл ҳолига қайтариш ва ўтмишни идеаллаштиришда кўринади. «К» термини биринчи бор француз адиби Ф. Шатобриан томонидан қўлланилган ҳамда 18-а. охирида Буюк француз инқилоби даврида аристократия мафкўрасини ифодаловчи қарашлар йиғиндисини билдирган. Капитализм қарор топаётган даврда К. ғарбда либерализм ва социализма қарши турган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.