Kontakt minerallari
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 579-b. — ziyouz.com
Kontakt minerallari - ikki xil toğ jinsining tutaşgan (kontakt) zonasida hosil bölgan minerallar. Ular yer yuzasidan ma'lum çuqurlikda katta bosim va haroratda sovib qotayotgan magma b-n atrofidagi çökindi toğ jinslarining özaro reaksiyaga kirişişidan (mas, biotit, amfibollar, andaluzit, kordiyerit, kvars, kalsit, marmar va b.) va magma qotgandan söng ajralib çiqadigan yuqori t-rali buğ va gaz aralaş suyuqliklardan ohaktoş b-n granitoidlar tutaşgan joyda (mas, vollastonit, piroksen, granat, epidot, vezuvian, skapolit, amfibollar, flogopit, serpentin va b.) hosil böladi. K.m. Özbekistonning Nurota (Qöytoş, L angar, Oqçob, Qöşrabot), Zirabuloq (Ingiçka, Çangalli, Qarğali, Tim va b.), Qoratepa (Oğaliq, Sazağon, Jom, Hasantepa, Qoratepa va b.), Çatqol (Kumuşkon, Surenota, Çimyon, Ustarasoy, Ixnaç, Miskon va b.), Körama (Qörğoşinkon, Noqpoy, Qatranği), Bökantov (Saritov, Soutboy), Hisor (Yaxton) toğlarida köp.
Asl matn (kirill, PDF'dagidek)
КОНТАКТ МИНЕРАЛЛАРИ - икки хил тоғ жинсининг туташган (контакт) зонасида ҳосил бўлган минераллар. Улар ер юзасидан маълум чуқурликда катта босим ва ҳароратда совиб қотаётган магма б-н атрофидаги чўкинди тоғ жинсларининг ўзаро реакцияга киришишидан (мас, биотит, амфиболлар, андалузит, кордиерит, кварц, кальцит, мармар ва б.) ва магма қотгандан сўнг ажралиб чиқадиган юқори т-рали буғ ва газ аралаш суюқликлардан оҳактош б-н гранитоидлар туташган жойда (мас, волластонит, пироксен, гранат, эпидот, везувиан, скаполит, амфиболлар, флогопит, серпентин ва б.) ҳосил бўлади. К.м. Ўзбекистоннинг Нурота (Қўйтош, Л ангар, Оқчоб, Қўшработ), Зирабулоқ (Ингичка, Чангалли, Қарғали, Тим ва б.), Қоратепа (Оғалиқ, Сазағон, Жом, Ҳасантепа, Қоратепа ва б.), Чатқол (Кумушкон, Суренота, Чимён, Устарасой, Ихнач, Мискон ва б.), Кўрама (Қўрғошинкон, Ноқпой, Қатранғи), Бўкантов (Саритов, Соутбой), Ҳисор (Яхтон) тоғларида кўп.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.