Kopengagen
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 601–602-b. — ziyouz.com
Kopengagen — Daniya poytaxti. Zelandiya o.ning şarqiy sohili va unga yondoş Amager o.da joylaşgan. Aholisi 495,6 ming kişi (2000). K. atrofi va yöldoş şaharlar b-n birga alohida ma'muriy birlik sifatida ajratilgan — Katta K. şahar aglomeratsiyasini taşqil etadi. Şahar qölyozmalarda dastlab 1043 y. tilga olingan. 1167 y.da u yerda qasr qurilgan. 1254y.dan şahar maqomini olgan, 1443 y.dan qirol qarorgohi.
K. — mamlakatning muhim sanoat, savdo-moliya va madaniy markazi. Xalqaro transport yöllari tuguni. Eresunn böğozining ğarbiy sohilidagi port (yillik yuk ortib-tuşiriş 10 mln. t çamasida). Aeroporti xalqaro ahamiyatga ega. T.y. va paromlar orqali Malme, Xelsingborg va Landskruna (Şvetsiya) hamda Varnemyunde (Germaniya) kabi şaharlar b-n boğlangan. Mamlakat sanoatining 1/4 qismi K.da. Sanoatining asosiy tarmoği —maşinasozlik, jumladan, elektrotexnika, priborsozlik, oziq-ovqat sanoati uçun jihozlar, velosiped, mototsikl, soat, tibbiy soha uçun priborlar i.ç., avtomobilsozlikdir. Şuningdek, kimyo, qogoz, sement, yengil sanoat, xususan, çinni va sopol buyumlar i.ç. rivojlangan. Oziq-ovqat sanoati korxonalari mavjud. Daniya FA, un-t (1479), texnika oliy maktabi, texnologiya, farmatsevtika in-tlari, Nafis san'at qirollik akademiyasi, konservatoriya, Musiqa akademiyasi, köplab ilmiy muassasalar, muzeylar, botanika boği, teatrlar bor. Me'moriy yodgorliklardan Kristiansborg saroyi, birja binosi, Şarlottenborg saroyi va b. saqlangan. Harbiy dengiz ba'zasi.
Asl matn (kirill, PDF'dagidek)
КОПЕНГАГЕН — Дания пойтахти. Зеландия о.нинг шарқий соҳили ва унга ёндош Амагер о.да жойлашган. Аҳолиси 495,6 минг киши (2000). К. атрофи ва йўлдош шаҳарлар б-н бирга алоҳида маъмурий бирлик сифатида ажратилган — Катта К. шаҳар агломерациясини ташқил этади. Шаҳар қўлёзмаларда дастлаб 1043 й. тилга олинган. 1167 й.да у ерда қаср қурилган. 1254й.дан шаҳар мақомини олган, 1443 й.дан қирол қароргоҳи.
К. — мамлакатнинг муҳим саноат, савдо-молия ва маданий маркази. Халқаро транспорт йўллари тугуни. Эресунн бўғозининг ғарбий соҳилидаги порт (йиллик юк ортиб-тушириш 10 млн. т чамасида). Аэропорти халқаро аҳамиятга эга. Т.й. ва паромлар орқали Мальме, Хельсингборг ва Ландскруна (Швеция) ҳамда Варнемюнде (Германия) каби шаҳарлар б-н боғланган. Мамлакат саноатининг 1/4 қисми К.да. Саноатининг асосий тармоғи —машинасозлик, жумладан, электротехника, приборсозлик, озиқ-овқат саноати учун жиҳозлар, велосипед, мотоцикл, соат, тиббий соҳа учун приборлар и.ч., автомобилсозликдир. Шунингдек, кимё, қогоз, цемент, енгил саноат, хусусан, чинни ва сопол буюмлар и.ч. ривожланган. Озиқ-овқат саноати корхоналари мавжуд. Дания ФА, ун-т (1479), техника олий мактаби, технология, фармацевтика ин-тлари, Нафис санъат қироллик академияси, консерватория, Мусиқа академияси, кўплаб илмий муассасалар, музейлар, ботаника боғи, театрлар бор. Меъморий ёдгорликлардан Кристиансборг саройи, биржа биноси, Шарлоттенборг саройи ва б. сақланган. Ҳарбий денгиз баъзаси.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.