Köriş nervi
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 880-b. — ziyouz.com
Köriş nervi (nervus opticus) -boş miya nervlarining 2-jufti. Köz tör pardasining yoruğlik sezuvçi hujayralari qabul qilgan ta'sirotlar , K.n. orqali boş miyaga ötadi. K.n. tör pardaning ganglioz hujayralari tolalaridan boşlanib, köz kosasidagi maxsus tyoşikdan kalla böşliğiga kiradi. Köz içidagi qismi — K.n. sörğiçi yoki diski — köz soqqasi orqa tubining sal içkarisida joylaşgan. Ponasimon suyakning turk egari ustida bir közning K.n. ikkinçi közning K.n. b-n qisman kesişadi (köriş çorrahasini hosil qiladi) va şundan keyin köriş yöllariga aylanib, boş miyaning pöstloq ostidagi köriş dömboğiga boradi, bu yerdan ta'sirotlar maxsus tolalardan boş miya pöstloği ensa qismining içki sathidagi köriş markaziga boradi. Şunda köz köradi.
Asl matn (kirill, PDF'dagidek)
КЎРИШ НЕРВИ (nervus opticus) -бош мия нервларининг 2-жуфти. Кўз тўр пардасининг ёруғлик сезувчи ҳужайралари қабул қилган таъсиротлар , К.н. орқали бош мияга ўтади. К.н. тўр парданинг ганглиоз ҳужайралари толаларидан бошланиб, кўз косасидаги махсус тёшикдан калла бўшлиғига киради. Кўз ичидаги қисми — К.н. сўрғичи ёки диски — кўз соққаси орқа тубининг сал ичкарисида жойлашган. Понасимон суякнинг турк эгари устида бир кўзнинг К.н. иккинчи кўзнинг К.н. б-н қисман кесишади (кўриш чорраҳасини ҳосил қилади) ва шундан кейин кўриш йўлларига айланиб, бош миянинг пўстлоқ остидаги кўриш дўмбоғига боради, бу ердан таъсиротлар махсус толалардан бош мия пўстлоғи энса қисмининг ички сатҳидаги кўриш марказига боради. Шунда кўз кўради.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.