Korset
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 633-b. — ziyouz.com
Korset (frans. corset) — 1) qaddi-qomatni raso tutiş uçun kökrak qafasining pastki qismi va qorinni tortib uşlab turadigan maxsus moslama; 2) umurtqa poğonasi singanda, kasallanganda va qiyşayganda qöllaniladigan maxsus ortopedik moslama. K. protezortopedik korxonalarda turli xil materiallar (çarm, gips, plastmassa, mato va h.k.) va çetlari metalldan qilinadi. K. tanaga yopişib turişi kerak, şuning uçun uni bemordan olingan qolipga qarab tayyorlanadi. Uşlab turuvçi, yengillik tuğdiruvçi va töğrilovçi K.lar bor. Uşlab turuvçi va yengillik tuğdiruvçi K.lar umurtqa poğonasi singanda va u operatsiya qilingandan keyin buyuriladi. K., köpinça umurtqa poğonasining beldumğaza bölimi kasalliklari (mas, bel umurtqasi siljiganda, osteoxondroz, spondilolistez va h. k.) oqibatida bel oğriganda qöllaniladi. Töğrilovçi K. umurtqa poğonasi yonga bir oz qiyşaygan (skolioz) bolalarga umurtqa pogonasi butunlay qiyşayib qolişining oldini oliş maqsadida buyuriladi. K.ni vraç tayinlaydi va töğri kiyilganligini tekşiradi, kiyib yuriş muddatini aytadi va nazorat qilib turadi. K.ni uzoq, vaqt taqib yurilganda gavda muskullari zaiflaşib qolişi mumkin, şuning uçun umurtqa poğonasi qançalik şikastlanganiga va kasallik bosqiçiga qarab (vraç tavsiyasi b-n) şifobaxş gimnastika b-n şuğullaniş va gavda muskullarini massaj qilişi kerak. K. toza turiş uçun trikotaj köylak yoki mayka ustidan kiyiladi. Plastmassa K.ni yuvsa böladi.
Asl matn (kirill, PDF'dagidek)
КОРСЕТ (франц. corset) — 1) қадди-қоматни расо тутиш учун кўкрак қафасининг пастки қисми ва қоринни тортиб ушлаб турадиган махсус мослама; 2) умуртқа поғонаси синганда, касалланганда ва қийшайганда қўлланиладиган махсус ортопедик мослама. К. протезортопедик корхоналарда турли хил материаллар (чарм, гипс, пластмасса, мато ва ҳ.к.) ва четлари металлдан қилинади. К. танага ёпишиб туриши керак, шунинг учун уни бемордан олинган қолипга қараб тайёрланади. Ушлаб турувчи, енгиллик туғдирувчи ва тўғриловчи К.лар бор. Ушлаб турувчи ва енгиллик туғдирувчи К.лар умуртқа поғонаси синганда ва у операция қилингандан кейин буюрилади. К., кўпинча умуртқа поғонасининг белдумғаза бўлими касалликлари (мас, бел умуртқаси силжиганда, остеохондроз, спондилолистез ва ҳ. к.) оқибатида бел оғриганда қўлланилади. Тўғриловчи К. умуртқа поғонаси ёнга бир оз қийшайган (сколиоз) болаларга умуртқа погонаси бутунлай қийшайиб қолишининг олдини олиш мақсадида буюрилади. К.ни врач тайинлайди ва тўғри кийилганлигини текширади, кийиб юриш муддатини айтади ва назорат қилиб туради. К.ни узоқ, вақт тақиб юрилганда гавда мускуллари заифлашиб қолиши мумкин, шунинг учун умуртқа поғонаси қанчалик шикастланганига ва касаллик босқичига қараб (врач тавсияси б-н) шифобахш гимнастика б-н шуғулланиш ва гавда мускулларини массаж қилиши керак. К. тоза туриш учун трикотаж кўйлак ёки майка устидан кийилади. Пластмасса К.ни ювса бўлади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.