Koşğariy yodgorlik majmui
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 684-b. — ziyouz.com
Koşğariy yodgorlik majmui KOŞĞARIY YODGORLIK MAJMUI, Mahmud Koşğariy yodgorlik m a j m u i — Xitoyning Qaşğar (Koşğar) viloyati Öpal nohiyasidagi Aziq qişloğida, Hazrati Mullom toği etagidagi tepalikda joylaşgan maqbara. Tepalikning bal. 40 m bölib, mahalliy xalq orasida Mahmud Koşğariy mozori nomi b-n maşhur. Olim dafn etilgan joyga öşa davr an'anasiga mos ravişda peştoqlik qabr qurilib, usti uy şaklida yopilgan. Şundan beri bu yer ziyoratgohga aylanib, mahalliy xalq tomonidan ta'mirlanib turilgan. 1958 y. maqbara töla ta'mirlanib, yoniga muzey qurilgan va hukumat tasarrufidagi ziyorat maskaniga aylantirilgan. Uning tarkibida asosiy maqbara, hovli, qiroatxona, muzey, tahoratxona qabilar mavjud. Ularning umumiy mayd. 1160 kv. m ga teng. Qabr joylaşgan tepalikning etaklari gözal, manzarali boqqa aylantirilgan. Hozir uşbu ziyorat maskanining umumiy mayd. 75 ga ga yaqin. Maqbaraga çiqişda 92 ta zinani bosib ötiş lozim. Aytişlariça, uşbu zinalar soni olimning yoşi soniga tenglaştirilgan. Zinapoya yonida öşa davrdan beri saqlanib kelayotgan buloq mavjud. Mahmud Koşğariy muzeyi maqbaraning şim.-tomonida joylaşgan. Maqbara b-n muzey oraliği taxm. 300 m keladi. 1999—2000 y.larda pastdan muzeyga çiqiş uçun zinali yöl işlangan. Uning örta belida olimning kitob uşlab turgan haykali örnatilgan. Haykalning bal. 9,7 m.
Abdulahad Xöjayev.
Asl matn (kirill, PDF'dagidek)
КОШҒАРИЙ ЁДГОРЛИК МАЖМУИ, Маҳмуд Кошғарий ёдгорлик м а ж м у и — Хитойнинг Қашғар (Кошғар) вилояти Ўпал ноҳиясидаги Азиқ қишлоғида, Ҳазрати Муллом тоғи этагидаги тепаликда жойлашган мақбара. Тепаликнинг бал. 40 м бўлиб, маҳаллий халқ орасида Маҳмуд Кошғарий мозори номи б-н машҳур. Олим дафн этилган жойга ўша давр анъанасига мос равишда пештоқлик қабр қурилиб, усти уй шаклида ёпилган. Шундан бери бу ер зиёратгоҳга айланиб, маҳаллий халқ томонидан таъмирланиб турилган. 1958 й. мақбара тўла таъмирланиб, ёнига музей қурилган ва ҳукумат тасарруфидаги зиёрат масканига айлантирилган. Унинг таркибида асосий мақбара, ҳовли, қироатхона, музей, таҳоратхона қабилар мавжуд. Уларнинг умумий майд. 1160 кв. м га тенг. Қабр жойлашган тепаликнинг этаклари гўзал, манзарали боққа айлантирилган. Ҳозир ушбу зиёрат масканининг умумий майд. 75 га га яқин. Мақбарага чиқишда 92 та зинани босиб ўтиш лозим. Айтишларича, ушбу зиналар сони олимнинг ёши сонига тенглаштирилган. Зинапоя ёнида ўша даврдан бери сақланиб келаётган булоқ мавжуд. Маҳмуд Кошғарий музейи мақбаранинг шим.-томонида жойлашган. Мақбара б-н музей оралиғи тахм. 300 м келади. 1999—2000 й.ларда пастдан музейга чиқиш учун зинали йўл ишланган. Унинг ўрта белида олимнинг китоб ушлаб турган ҳайкали ўрнатилган. Ҳайкалнинг бал. 9,7 м.
Абдулаҳад Хўжаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.