Kostroma qoramol zoti
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 666–667-b. — ziyouz.com
Kostroma qoramol zoti - suti va göşti uçun bokiladigan sigir zoti. Rossiyaning Kostroma viloyatida «Karavayevo» xöjaligida mahalliy zotlarni şvits zoti b-n çatiştiriş, sermahsul duragay mollarni tanlaş va saralaş asosida yaratilgan hamda 1945 y. zot deb tasdiqlangan. Mollar, asosan, kulrang-oç qönğir tusda, gavdasi yirik. Buqalari vazni 1000—1100 kg, sigirlari 550—600 kg. Sut soğimi 4000-5000 kg, yoğliligi 3,7—3,9% va oqsili 3,3 — 3,6%. Zotning rekord qöygan sigirlari bir yilda 14—15 ming kg sut bergan. Sigirlarning hayot-çanligi yuqori (20—22 yoşga qadar). Göştdorlik sifati yuqori, 18 oyligida novvoslar 450—500 kg vaznga yetadi. Bördoqi mollarning göşti çiqişi 58—60%. Özbekistonning qönğir tusli mahsuldor qoramol podalarini («Ğallaorol», «Zarbdor», «Boyovut» va b.) yaratişda 1950-70 yillari K.q.z. buqalaridan foydalanilgan. K.q.z.dan foydalanib, olatov qoramol zoti yaratilgan.
Asl matn (kirill, PDF'dagidek)
КОСТРОМА ҚОРАМОЛ ЗОТИ - сути ва гўшти учун бокиладиган сигир зоти. Россиянинг Кострома вилоятида «Караваево» хўжалигида маҳаллий зотларни швиц зоти б-н чатиштириш, сермаҳсул дурагай молларни танлаш ва саралаш асосида яратилган ҳамда 1945 й. зот деб тасдиқланган. Моллар, асосан, кулранг-оч қўнғир тусда, гавдаси йирик. Буқалари вазни 1000—1100 кг, сигирлари 550—600 кг. Сут соғими 4000-5000 кг, ёғлилиги 3,7—3,9% ва оқсили 3,3 — 3,6%. Зотнинг рекорд қўйган сигирлари бир йилда 14—15 минг кг сут берган. Сигирларнинг ҳаёт-чанлиги юқори (20—22 ёшга қадар). Гўштдорлик сифати юқори, 18 ойлигида новвослар 450—500 кг вазнга етади. Бўрдоқи молларнинг гўшти чиқиши 58—60%. Ўзбекистоннинг қўнғир тусли маҳсулдор қорамол подаларини («Ғаллаорол», «Зарбдор», «Боёвут» ва б.) яратишда 1950-70 йиллари К.қ.з. буқаларидан фойдаланилган. К.қ.з.дан фойдаланиб, олатов қорамол зоти яратилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.