«Kovent-garden»
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 465–466-b. — ziyouz.com
«Kovent-garden» (ing. Covent Garden), «Qirol opera teatri K.-G.» — Londondagi opera va balet teatri, Angliya opera san'atining eng yirik markazi. 1732 y.da taşkil topgan. 1930- y.lardan Davlat teatri. «K.-G.»da dastlab dramatik, musiqali va balet spektakllari b-n birga sirk tomoşalari ham namoyiş etilgan. 18- a. örtasidan musiqali spektakllar, 1847 y. dan boşlab faqat opera va balet spektakllari qöyiladi. Repertuaridan mumtoz (G.F. Gendel, G. Pyorsell, V. A. Motsart, L. Betxoven, K. M. Veber, J. Rossini, G. Donitsetti, J. Verdi, R. Vagner, P. Çaykovskiy va b.) hamda 20-a., jumladan, Angliya kompozitorlari (F. Dilius, ayniqsa, B. Britten va b.) asarlari örin olgan. 19- a. oxiridan barça operalari muallif yozgan tilda ijro etiladi. Yevropaning eng maşhur dirijyorlari (G. Maler, F. Motl, B. Valter, O. Klemperer, R. Kubelik, G. Rojdestvenskiy va b.) hamda xonandalari (M. Malibran, J. Grizi, P. Viardo-Garsiya, A. Patti, E. Karuzo, M. Kallas, T. Gobbi, N. Gyaurov, K. Bergonsi, F. Şalyapin va b.) «K.-G.» spektakllarida iştirok etgan. Teatr rivojiga Angliya dirijyorlaridan T. Biçem, G. Vud, A. Kouts, Ç. Makkeras, xonandalaridan J. Saterlend, M. Kolyer, G. Jons, G. Evans, P. Glossop, D. Uord va b. katta hissa qöşgan. 1946 y.dan «K.-G.» sahnasida «Sedlers Uells balle» truppasi (1957y. dan «Qirol baleti» nomida) balet spektakllari qöyilmoqda. Hoz. binosi 1858 y.da qayta qurilgan (zali 2200 örinli).
Asl matn (kirill, PDF'dagidek)
«КОВЕНТ-ГАРДЕН» (инг. Covent Garden), «Қирол опера театри К.-Г.» — Лондондаги опера ва балет театри, Англия опера санъатининг энг йирик маркази. 1732 й.да ташкил топган. 1930- й.лардан Давлат театри. «К.-Г.»да дастлаб драматик, мусиқали ва балет спектакллари б-н бирга цирк томошалари ҳам намойиш этилган. 18- а. ўртасидан мусиқали спектакллар, 1847 й. дан бошлаб фақат опера ва балет спектакллари қўйилади. Репертуаридан мумтоз (Г.Ф. Гендель, Г. Пёрселл, В. А. Моцарт, Л. Бетховен, К. М. Вебер, Ж. Россини, Г. Доницетти, Ж. Верди, Р. Вагнер, П. Чайковский ва б.) ҳамда 20-а., жумладан, Англия композиторлари (Ф. Дилиус, айниқса, Б. Бриттен ва б.) асарлари ўрин олган. 19- а. охиридан барча опералари муаллиф ёзган тилда ижро этилади. Европанинг энг машҳур дирижёрлари (Г. Малер, Ф. Мотль, Б. Вальтер, О. Клемперер, Р. Кубелик, Г. Рождественский ва б.) ҳамда хонандалари (М. Малибран, Ж. Гризи, П. Виардо-Гарсия, А. Патти, Э. Карузо, М. Каллас, Т. Гобби, Н. Гяуров, К. Бергонци, Ф. Шаляпин ва б.) «К.-Г.» спектаклларида иштирок этган. Театр ривожига Англия дирижёрларидан Т. Бичем, Г. Вуд, А. Коутс, Ч. Маккерас, хонандаларидан Ж. Сатерленд, М. Кольер, Г. Жонс, Г. Эванс, П. Глоссоп, Д. Уорд ва б. катта ҳисса қўшган. 1946 й.дан «К.-Г.» саҳнасида «Сэдлерс Уэллс балле» труппаси (1957й. дан «Қирол балети» номида) балет спектакллари қўйилмоқда. Ҳоз. биноси 1858 й.да қайта қурилган (зали 2200 ўринли).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.