Krişan Çandar
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 722–723-b. — ziyouz.com
Krişan Çandar (1913.19.11, Vazirobod — 1977.7.3, Bombey) — hind yozuvçisi va jamoat arbobi. Hoz. zamon urdu adabiyotining yirik vakili. Hindiston taraqqiyparvar yozuvçilar uyuşmasi rahbarlaridan biri (1953). Dastlabki hikoyalar töplami — «Tilsimi xayol» (1937). K.Ç.ning turli janrlarda 80 ga yaqin kitobi çop etilgan. «Xoin», «Biz vahşiymiz» (1949) töplamlarida Hindistonning bölinişi (1947) va hind-musulmonlar qirğini mavzui yoritilgan. «Mağlubiyat» (1958), «Böron kurtaklari» (1954), «Kumuş yara» (1964) romanlari, «Köça ortga qaytadi» (1961), «Ikkinçi qor yoğişdan avval» (1967) qissalari va avtobiografik qissalari («Loy öyinçoqlar», 1956; «Xotiramdagi çinorlar», 1968) va b. asarlarida Kaşmir xalqi hayoti aks ettirilgan. K. Ç. «Eşakning sarguzaştlari» (1958 — 65), «Dadar köprigidagi bolalar» (1958), «Qoğoz qayiq» (1966) romanlaridan iborat trilogiya muallifi. K. Ç. Özbekistonda bölgan. Asarlari xorijiy tillarga, jumladan, özbek tiliga ham tarjima qilingan.
As: Bir qizga ming oşiq [roman], T., 1965; Otaş nafaslar [hikoyalar, töplam], T., 1977; Xotiramdagi çinorlar [qissa va hikoyalar], T., 1986; Dadar köprigidagi bolalar [qissa], T., 1999.
Asl matn (kirill, PDF'dagidek)
КРИШАН ЧАНДАР (1913.19.11, Вазиробод — 1977.7.3, Бомбей) — ҳинд ёзувчиси ва жамоат арбоби. Ҳоз. замон урду адабиётининг йирик вакили. Ҳиндистон тараққийпарвар ёзувчилар уюшмаси раҳбарларидан бири (1953). Дастлабки ҳикоялар тўплами — «Тилсими хаёл» (1937). К.Ч.нинг турли жанрларда 80 га яқин китоби чоп этилган. «Хоин», «Биз ваҳшиймиз» (1949) тўпламларида Ҳиндистоннинг бўлиниши (1947) ва ҳинд-мусулмонлар қирғини мавзуи ёритилган. «Мағлубият» (1958), «Бўрон куртаклари» (1954), «Кумуш яра» (1964) романлари, «Кўча ортга қайтади» (1961), «Иккинчи қор ёғишдан аввал» (1967) қиссалари ва автобиографик қиссалари («Лой ўйинчоқлар», 1956; «Хотирамдаги чинорлар», 1968) ва б. асарларида Кашмир халқи ҳаёти акс эттирилган. К. Ч. «Эшакнинг саргузаштлари» (1958 — 65), «Дадар кўпригидаги болалар» (1958), «Қоғоз қайиқ» (1966) романларидан иборат трилогия муаллифи. К. Ч. Ўзбекистонда бўлган. Асарлари хорижий тилларга, жумладан, ўзбек тилига ҳам таржима қилинган.
Ас: Бир қизга минг ошиқ [роман], Т., 1965; Оташ нафаслар [ҳикоялар, тўплам], Т., 1977; Хотирамдаги чинорлар [қисса ва ҳикоялар], Т., 1986; Дадар кўпригидаги болалар [қисса], Т., 1999.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.