Krurova gözallari
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 727–728-b. — ziyouz.com
Krurova gözallari - neolit davriga mansub ikki ayol jasadi. Xitoylik arxeologlar Krurova hududidagi Kunçi daryosi yaqinida joylaşgan ikki qad. qabrdan topişgan (1979, 1980-y. lar). Birinçi qabr tepasiga nur soçib turgan quyoşni eslatuvçi 6 qator doyra şaklida qoziqlar qoqilgan. Unga taxm. 20 yoşlarda vafot etgan, boşiga çöqqi namat kuloh, oaqlarida etik, bir ayol va gödak dafn qilingan bölib, ular dağal namat ustida yotibdi. Jasadning ikki yonida navdalardan nafis qilib töqilgan, içiga buğdoy solingan savatlar bor. Bu ayolning hayotlik çoğida ğoyatda gözal bölganligi uning yelkasiga qadar tuşib turgan zarrin soçlari, uzun kipriklari, nozik lablari va qirra burnidan yaqqol körinib turibdi. Ikkinçi qabrdagi ayol jasadi esa qöy terisi b-n kafanlanib, tik holda dafn qilingan. Taxm. 40 yoşlarda qazo qilgan bu ayol ham avvalgisi kabi kiyintirilgan, yuz tuzilişi çiroyli. Uning atrofiga toş, suyak va yoğoçdan yasalgan haykalçalar qöyilgan. Uning ham boşida çöqqi namat kuloh, oyoqlarida etik, böylari 5 sm dan 50 sm gaça, ensalariga qadar tuşib turgan soçlari esa mayda qilib örilgan, közlari qora va lablari qizil böyoq b-n pardozlangan. Ikkala ayol jasadi özlari kömilgan zaminning qulay tabiiy şartşaroiti tufayli, göyo mömiyolangandek juda yaxşi saqlangan.
Tadqiqotlar K.g.ning qum böronida qolib halok bölganini körsatdi. Şuningdek, K.g. yoşi dastlabki tekşirişlarda 6412 (+117) yil deb belgilangan bölsa, keyingi çuqur tahlillar natijasida bu sana 4900 yil degan qat'iy qarorga kelindi.
Abduxoliq Aytboyev.
Asl matn (kirill, PDF'dagidek)
КРУРОВА ГЎЗАЛЛАРИ - неолит даврига мансуб икки аёл жасади. Хитойлик археологлар Крурова ҳудудидаги Кунчи дарёси яқинида жойлашган икки қад. қабрдан топишган (1979, 1980-й. лар). Биринчи қабр тепасига нур сочиб турган қуёшни эслатувчи 6 қатор дойра шаклида қозиқлар қоқилган. Унга тахм. 20 ёшларда вафот этган, бошига чўққи намат кулоҳ, оақларида этик, бир аёл ва гўдак дафн қилинган бўлиб, улар дағал намат устида ётибди. Жасаднинг икки ёнида навдалардан нафис қилиб тўқилган, ичига буғдой солинган саватлар бор. Бу аёлнинг ҳаётлик чоғида ғоятда гўзал бўлганлиги унинг елкасига қадар тушиб турган заррин сочлари, узун киприклари, нозик лаблари ва қирра бурнидан яққол кўриниб турибди. Иккинчи қабрдаги аёл жасади эса қўй териси б-н кафанланиб, тик ҳолда дафн қилинган. Тахм. 40 ёшларда қазо қилган бу аёл ҳам аввалгиси каби кийинтирилган, юз тузилиши чиройли. Унинг атрофига тош, суяк ва ёғочдан ясалган ҳайкалчалар қўйилган. Унинг ҳам бошида чўққи намат кулоҳ, оёқларида этик, бўйлари 5 см дан 50 см гача, энсаларига қадар тушиб турган сочлари эса майда қилиб ўрилган, кўзлари қора ва лаблари қизил бўёқ б-н пардозланган. Иккала аёл жасади ўзлари кўмилган заминнинг қулай табиий шартшароити туфайли, гўё мўмиёлангандек жуда яхши сақланган.
Тадқиқотлар К.г.нинг қум бўронида қолиб ҳалок бўлганини кўрсатди. Шунингдек, К.г. ёши дастлабки текширишларда 6412 (+117) йил деб белгиланган бўлса, кейинги чуқур таҳлиллар натижасида бу сана 4900 йил деган қатъий қарорга келинди.
Абдухолиқ Айтбоев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.