Kseroderma
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 730-b. — ziyouz.com
Kseroderma KSERODERMA, pigmentli kseroderma (yun. xeros — quruq va derma) — terining nasldan-naslga ötadigan tuğma kasalligi; dermatozlarta kiradi. Bunda teri quyoş nuri (ultrabinafşa nur)ga öta sezgir böladi. Asosan, bola hayotining birinçi yillaridayoq namoyon böladi. Oftob badanning oçiq joylariga (yuz, qöl-oyoqqa) tuşganidan keyin, u yerda eritematoz (q. Eritema) va pigmentli doğlar paydo böla boşlaydi: teri quruqşab, qazğoqlaydi, bora-bora teri yupqa tortib, burişadi (burun qirralaşib, oğiz tortişib qoladi), konyunktivit, köz qovoqlarining qayrilib qolişi va h.k. kuzatiladi. Bolaning yoşi kattalaşgan sayin (8—10 yoşlarda) terisida sögalsimon yoki papillomatoz ösimtalar paydo bölib, epiteliomalar (rak, bazalioma, melanoma va b.) ga aylanişi mumkin (q. Papilloma). Bemorga kortikosteroidl ar, vitaminlar, rentgenterapiya buyuriladi, ba'zan jarrohlik usuli qöllaniladi.
Q.: Eritema
Asl matn (kirill, PDF'dagidek)
КСЕРОДЕРМА, пигментли ксеродерма (юн. xeros — қуруқ ва дерма) — терининг наслдан-наслга ўтадиган туғма касаллиги; дерматозларта киради. Бунда тери қуёш нури (ультрабинафша нур)га ўта сезгир бўлади. Асосан, бола ҳаётининг биринчи йилларидаёқ намоён бўлади. Офтоб баданнинг очиқ жойларига (юз, қўл-оёққа) тушганидан кейин, у ерда эритематоз (қ. Эритема) ва пигментли доғлар пайдо бўла бошлайди: тери қуруқшаб, қазғоқлайди, бора-бора тери юпқа тортиб, буришади (бурун қирралашиб, оғиз тортишиб қолади), конъюнктивит, кўз қовоқларининг қайрилиб қолиши ва ҳ.к. кузатилади. Боланинг ёши катталашган сайин (8—10 ёшларда) терисида сўгалсимон ёки папилломатоз ўсимталар пайдо бўлиб, эпителиомалар (рак, базалиома, меланома ва б.) га айланиши мумкин (қ. Папиллома). Беморга кортикостероидл ар, витаминлар, рентгентерапия буюрилади, баъзан жарроҳлик усули қўлланилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.