Kun özgariş çiziği
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 781–782-b. — ziyouz.com
Kun özgariş çiziği - Yer şarida uzunlamasi 12 soatga teng meridian. Tinç okean orqali ötadi. Bu meridian 12-mintaqaning örtasidan ötib, 2 ketma-ket keladigan kalendar kunlariga çegara hisoblanadi. Har doim navbatdagi yangi kalendar kuni dastlab 12-mintaqaga, söngra 11-mintaqaga, keyin 10-mintaqaga va h.k. kirib, eng söngida, 13-mintaqaga kiradi. Şuning uçun yangi yilning 1 yanvari sayyoramizda dastlab, 12-minta-qada kuzatiladi. Bu 2 vaqtda 13-mintaqada hali eski kalendar yilining 31 dekabri «hukmron» böladi. Agar sayohatçi kemada yoki samolyotda K.ö.ç.ni ğarbdan şarqqa yoxud şarqdan ğarbga kesib ötsa, kalendar kunlarida yanglişiş bölmasligi uçun darhol sanaga bir kun tuzatiş kiritiladi. Bunda ğarbdan şarqqa kesib ötsa sanadan bir kunni olib taşlanadi, aksinça, şarqdan ğarbga kesib ötsa sanaga bir kun qöşiladi.
Asl matn (kirill, PDF'dagidek)
КУН ЎЗГАРИШ ЧИЗИҒИ - Ер шарида узунламаси 12 соатга тенг меридиан. Тинч океан орқали ўтади. Бу меридиан 12-минтақанинг ўртасидан ўтиб, 2 кетма-кет келадиган календарь кунларига чегара ҳисобланади. Ҳар доим навбатдаги янги календарь куни дастлаб 12-минтақага, сўнгра 11-минтақага, кейин 10-минтақага ва ҳ.к. кириб, энг сўнгида, 13-минтақага киради. Щунинг учун янги йилнинг 1 январи сайёрамизда дастлаб, 12-минта-қада кузатилади. Бу 2 вақтда 13-минтақада ҳали эски календарь йилининг 31 декабри «ҳукмрон» бўлади. Агар саёҳатчи кемада ёки самолётда К.ў.ч.ни ғарбдан шарққа ёхуд шарқдан ғарбга кесиб ўтса, календарь кунларида янглишиш бўлмаслиги учун дарҳол санага бир кун тузатиш киритилади. Бунда ғарбдан шарққа кесиб ўтса санадан бир кунни олиб ташланади, аксинча, шарқдан ғарбга кесиб ўтса санага бир кун қўшилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.