«Kuntuğmiş»
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 787-b. — ziyouz.com
«Kuntuğmiş» — özbek xalq dostoni. Nurmon Abdivoy öğli, Ergaş Jumanbulbul öğli, Egamberdi Ollamurod öğli, Bekmurod Jöraboy öğli va b. baxşilardan yozib olingan. Ergaş şoir va Bekmurod baxşi variantlari naşr etilgan (1971, 1975). 12-a.gaça Turkiston va Talas atrofida yaşagan turk-öğiz qabilalarining turli vaql, af-sova va tarixiy qöşiqlari zaminida, qadimiy öğiz epik an'analari asosida paydo bölgan. Dostonda nöğaylar podşosi Avliyoyi Qoraxonning öğli b-n Zangar şahri vazirining qizi Xolbeka orasidagi sevgi hikoya etiladi. «K.» mukammal kompozitsion birlikka ega. Unda zulm va haqsizlik qoralangan, sevgi, vafo, sadoqat va adolat uluğlangan. «K.»ning yozib olingan turli variantlari Özbekiston FA Til va adabiyot in-ti folklor arxivida saqlanadi. Doston «Bulbul taronalari» (1972), «Özbek xalq ijodi» (1975) kabi töplamlarga kiritilgan. H. T. Zarifov, V.M.Jirmunskiy, M. Saidov, T. Mirzayev va b. tomonidan tadqiq qilingan.
Ad.: Mirzayev T., Xalq baxşilarining epik repertuari, T., 1979.
Töra Mirzayev.
Asl matn (kirill, PDF'dagidek)
«КУНТУҒМИШ» — ўзбек халқ достони. Нурмон Абдивой ўғли, Эргаш Жуманбулбул ўғли, Эгамберди Олламурод ўғли, Бекмурод Жўрабой ўғли ва б. бахшилардан ёзиб олинган. Эргаш шоир ва Бекмурод бахши вариантлари нашр этилган (1971, 1975). 12-а.гача Туркистон ва Талас атрофида яшаган турк-ўғиз қабилаларининг турли вақл, аф-сова ва тарихий қўшиқлари заминида, қадимий ўғиз эпик анъаналари асосида пайдо бўлган. Достонда нўғайлар подшоси Авлиёйи Қорахоннинг ўғли б-н Зангар шаҳри вазирининг қизи Холбека орасидаги севги ҳикоя этилади. «К.» мукаммал композицион бирликка эга. Унда зулм ва ҳақсизлик қораланган, севги, вафо, садоқат ва адолат улуғланган. «К.»нинг ёзиб олинган турли вариантлари Ўзбекистон ФА Тил ва адабиёт ин-ти фольклор архивида сақланади. Достон «Булбул тароналари» (1972), «Ўзбек халқ ижоди» (1975) каби тўпламларга киритилган. Ҳ. Т. Зарифов, В.М.Жирмунский, М. Саидов, Т. Мирзаев ва б. томонидан тадқиқ қилинган.
Ад.: Мирзаев Т., Халқ бахшиларининг эпик репертуари, Т., 1979.
Тўра Мирзаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.