Kvinslend
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 280–281-b. — ziyouz.com
Kvinslend — Avstraliya Ittifoqidagi ştat. Materikning şim.- şarqiy qismida va qirğoqqa yondoş orollarda. Mayd. 1730,6 ming km2. Aholisi 3,6 mln. kişi (2001); 80% şaharlarda yaşaydi. Ma'muriy markazi — Brisben ş.
K.ning şarqiy qismida Katta Suvayirğiç tizmaning şim. qismi joylaşgan. Ğarbiy qismi esa pasttekislik. Iqlimi ştatning şim.da subekvatorial, jan.da tropik. Yanv.ning örtaça t-rasi 20—25°, iyulniki 15— 25°. Yillik yoğin K.ning şarqida 2000 mm, ayrim joylarda 2500 mm gaça, ğarbi savanna va çöllardan iborat.
K. hududining 2% dan köproği işlanadi. Dehqonçilikka yaroqli yerlar, asosan, Tinç okean sohilidagi kambar tekislikda. Q.x.da çorvaçilik yetakçi tarmoq. Ştat mamlakatda tayyorlanadigan jun, göşt, sariyoğ, pişloqning katta qismini yetkazib beradi. Sohilda ananas, banan, mango va b. tropik mevalar, şakarqamiş yetiştiriladi. Ğarbiy qismida buğdoy va makkajöxori ekiladi, sut çorvaçiligi rivojlangan. K. mis, boksit, rux va qörğoşin, rutil, sirkon, toşkömir, volfram qazib çiqarişda hamda oltin, neft va tabiiy gaz olişda mamlakatda oldingi örinlarda. Mamlakatda qazib olinadigan misning yarmidan ortiği ştat ğarbidagi Maunt-Ayza konlaridan olinadi. Uran, kalay, temir rudasi ham qazib olinadi. Maşinasozlik, kemasozlik, kimyo, oziq-ovqat va b. sanoat tarmoklari rivojlangan. Yirik sanoat şaharlari: Brisben, Gladston, Taunsvill, Makkay, Kerns.
Asl matn (kirill, PDF'dagidek)
КВИНСЛЕНД — Австралия Иттифоқидаги штат. Материкнинг шим.- шарқий қисмида ва қирғоққа ёндош оролларда. Майд. 1730,6 минг км2. Аҳолиси 3,6 млн. киши (2001); 80% шаҳарларда яшайди. Маъмурий маркази — Брисбен ш.
К.нинг шарқий қисмида Катта Сувайирғич тизманинг шим. қисми жойлашган. Ғарбий қисми эса пасттекислик. Иқлими штатнинг шим.да субэкваториал, жан.да тропик. Янв.нинг ўртача т-раси 20—25°, июлники 15— 25°. Йиллик ёғин К.нинг шарқида 2000 мм, айрим жойларда 2500 мм гача, ғарби саванна ва чўллардан иборат.
К. ҳудудининг 2% дан кўпроғи ишланади. Деҳқончиликка яроқли ерлар, асосан, Тинч океан соҳилидаги камбар текисликда. Қ.х.да чорвачилик етакчи тармоқ. Штат мамлакатда тайёрланадиган жун, гўшт, сариёғ, пишлоқнинг катта қисмини етказиб беради. Соҳилда ананас, банан, манго ва б. тропик мевалар, шакарқамиш етиштирилади. Ғарбий қисмида буғдой ва маккажўхори экилади, сут чорвачилиги ривожланган. К. мис, боксит, рух ва қўрғошин, рутил, циркон, тошкўмир, вольфрам қазиб чиқаришда ҳамда олтин, нефть ва табиий газ олишда мамлакатда олдинги ўринларда. Мамлакатда қазиб олинадиган миснинг ярмидан ортиғи штат ғарбидаги Маунт-Айза конларидан олинади. Уран, калай, темир рудаси ҳам қазиб олинади. Машинасозлик, кемасозлик, кимё, озиқ-овқат ва б. саноат тармоклари ривожланган. Йирик саноат шаҳарлари: Брисбен, Гладстон, Таунсвилл, Маккай, Кэрнс.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.