Lağmon Zoli Zard
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 60-b. — ziyouz.com
Lağmon Zoli Zard — Vaxş vodiysi (Tojikiston)dagi şahar xarobasi (mil. 3—4-a. —1221). Vaxş daryosining söl qirğoğidagi Uzun qişloği yaqinida, Qörğontepa ş.dan 23 km masofada joylaşgan. Örta asrlarda Halovard deb atalgan. L.ning umumiy may-doni şahar atrofi b-n birgalikda 100 ga ni taşkil etadi. Şahar mudofaa devorlari b-n öralgan, kuzatuv minoralariga ega 4 darvozasi bölgan. Şaharning ayrim qismlari 2 qator devor b-n örab olingan. L. örnidagi dastlabki manzilgoh mil. 3—4-a.larda vujudga kelgan. Ilk örta asrlarda Vaxş viloyati markazi Halovard Kofirqal'a ş. xarobasi örnida bölgan. Arablar istilosi arafasida bu yerda buddizmga e'tiqod qilgan turkiy sulola hukmronlik qilgan. Arablar Halovardni egallab, uni vayron etişgaç, viloyat markazi 12 km şim.- ğarbda joylaşgan L. örniga köçgan. Şahar özining eski nomini saqlab qolgan. Arablar istilosidan söng u katta şaharga aylangan. 10—13-a. boşlarida ravnaq topgan. Şahardagi deyarli barça binolar pişiq ğiştdan işlangan, köça va maydonlarga esa şağal (mayda toş) yotqizilgan. Örta asrlarda bu yerda Vaxş viloyatining zarbxonasi joylaşgan. Şahar 1221 y. Çingizxon qöşinlari tomonidan vayron qilingan. Ad:. Kamaliddinov Ş. S, Istoriçeskaya geografiya Yujnogo Sogda i Toxaristana po araboyaziçnim istoçnikam IX — naçala XIII vv., T., 1996.
Asl matn (kirill, PDF'dagidek)
ЛАҒМОН Золи Зард — Вахш водийси (Тожикистон)даги шаҳар харобаси (мил. 3—4-а. —1221). Вахш дарёсининг сўл қирғоғидаги Узун қишлоғи яқинида, Қўрғонтепа ш.дан 23 км масофада жойлашган. Ўрта асрларда Ҳаловард деб аталган. Л.нинг умумий май-дони шаҳар атрофи б-н биргаликда 100 га ни ташкил этади. Шаҳар мудофаа деворлари б-н ўралган, кузатув минораларига эга 4 дарвозаси бўлган. Шаҳарнинг айрим қисмлари 2 қатор девор б-н ўраб олинган. Л. ўрнидаги дастлабки манзилгоҳ мил. 3—4-а.ларда вужудга келган. Илк ўрта асрларда Вахш вилояти маркази Ҳаловард Кофирқалъа ш. харобаси ўрнида бўлган. Араблар истилоси арафасида бу ерда буддизмга эътиқод қилган туркий сулола ҳукмронлик қилган. Араблар Ҳаловардни эгаллаб, уни вайрон этишгач, вилоят маркази 12 км шим.- ғарбда жойлашган Л. ўрнига кўчган. Шаҳар ўзининг эски номини сақлаб қолган. Араблар истилосидан сўнг у катта шаҳарга айланган. 10—13-а. бошларида равнақ топган. Шаҳардаги деярли барча бинолар пишиқ ғиштдан ишланган, кўча ва майдонларга эса шағал (майда тош) ётқизилган. Ўрта асрларда бу ерда Вахш вилоятининг зарбхонаси жойлашган. Шаҳар 1221 й. Чингизхон қўшинлари томонидан вайрон қилинган. Ад:. Камалиддинов Ш. С, Историческая география Южного Согда и Тохаристана по арабоязычным источникам IX — начала XIII вв., Т., 1996.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.