Lalmikor yerlar
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 22–23-b. — ziyouz.com
Lalmikor yerlar LALMIKOR YERLAR, bahorikor yerlar — adir zonasidagi suğorilmay dehqonçilik qilinadigan yerlar. Lalmi dehqonçilik örtaça yillik yoğingarçilik 200 mm dan yuqori bölgan hududlarda tarqalgan. Tuproqda tabiiy namlikni töplaş va uni saqlaş, öğitlaş, begona ötlarga qarşi kuraş, tuproq eroziyasi oldini oliş kabi tadbirlar qöllaniladi. Lalmikor dehqonçilik suğoriş uçun noqulay bölgan yerlardan foydalaniş imkonini berganligi uçun ham katta iqtisodiy ahamiyatga ega. U, asosan, Afğoniston, Eron, Turkiya, Örta Osiyo, Jan. Qozoğiston va Zakavkazyening toğ oldi va vohalari atroflarida tarqalgan. Suğoriş imkonining yaratilişi b-n L.ye. suğoriladigan dehqonçilik maydonlarini kengaytirişda katta rezerv hisoblanadi. Toşkent, Samarqand, Jizzax va Qaşqadaryo viloyatlarida suv çiqarilgaç, L.ye.ning katta maydonlari suğorma dehqonçilik r-nlariga aylantirildi.
Özbekistonda lalmi ekin mayd. 734 ming ga, şu jumladan, uning asosiy qismi (ming ga) Jizzax (220,9), Qaşqadaryo (252,0), Samarqand (175,5) viloyatlarida joylaşgan. Bu yerlarning 99,8 ming ga maydoni yoğingarçilik b-n yetarli, 553,7 ming ga maydoni yarim va 89,5 ming ga maydoni kam ta'minlangan (2003). Sobirjon Azimboyev.
Asl matn (kirill, PDF'dagidek)
ЛАЛМИКОР ЕРЛАР, баҳорикор ерлар — адир зонасидаги суғорилмай деҳқончилик қилинадиган ерлар. Лалми деҳқончилик ўртача йиллик ёғингарчилик 200 мм дан юқори бўлган ҳудудларда тарқалган. Тупроқда табиий намликни тўплаш ва уни сақлаш, ўғитлаш, бегона ўтларга қарши кураш, тупроқ эрозияси олдини олиш каби тадбирлар қўлланилади. Лалмикор деҳқончилик суғориш учун ноқулай бўлган ерлардан фойдаланиш имконини берганлиги учун ҳам катта иқтисодий аҳамиятга эга. У, асосан, Афғонистон, Эрон, Туркия, Ўрта Осиё, Жан. Қозоғистон ва Закавказьенинг тоғ олди ва воҳалари атрофларида тарқалган. Суғориш имконининг яратилиши б-н Л.е. суғориладиган деҳқончилик майдонларини кенгайтиришда катта резерв ҳисобланади. Тошкент, Самарқанд, Жиззах ва Қашқадарё вилоятларида сув чиқарилгач, Л.е.нинг катта майдонлари суғорма деҳқончилик р-нларига айлантирилди.
Ўзбекистонда лалми экин майд. 734 минг га, шу жумладан, унинг асосий қисми (минг га) Жиззах (220,9), Қашқадарё (252,0), Самарқанд (175,5) вилоятларида жойлашган. Бу ерларнинг 99,8 минг га майдони ёғингарчилик б-н етарли, 553,7 минг га майдони ярим ва 89,5 минг га майдони кам таъминланган (2003). Собиржон Азимбоев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.