Legnitsa jangi
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 67-b. — ziyouz.com
Legnitsa jangi -Botuxon b-n salibçilar örtasida Legnitsa ş. (Polşa) yaqinida bölib ötgan jang (1241 y. 9 apr.). Möğullarning Şarqiy Yevropaga bosqinçilik yurişi davrida Botuxon boşçiligidagi möğul qöşini Krakov ş.ni egallab, unga öt qöygan, söngra Oder daryosidan ötib, Legnitsa yaqinida Sileziya gersogi Genrix boşçiligidagi nemis salibçilari, sileziyaliklar, Tevton ordeni ri-sarlari hamda polyaklardan iborat 30 ming kişilik laşkarlarga duç kelgan. 1241 y. 9 apr.dagi jangda salibçilar möğullarning ataylab çekinayotgan avanğoriga birinçi bölib hujum qiladilar. Qöpol qurollangan bu piyodalar asosiy qöşindan uzoqlaşgandan söng möğullar ularni qurşab olib, qirib taşlaydi. Salibçilarga madad uçun borayotgan polyak va sileziyaliklar otryadi qoçişga majbur böladi. Tevton ordeni ritsarlari jangni davom ettirişga urinib köradi, ammo boy berilgan jangni tiklaş uçun kuçlar kamlik qiladi. Birlaşgan xristian armiyasi katta talafot körgan. Legnitsa atrofini vayron qilgan möğullar Ratibor ş.ga qarab yurib, u yerdan Moraviyaga bostirib kiradilar.
Asl matn (kirill, PDF'dagidek)
ЛЕГНИЦА ЖАНГИ -Ботухон б-н салибчилар ўртасида Легница ш. (Польша) яқинида бўлиб ўтган жанг (1241 й. 9 апр.). Мўғулларнинг Шарқий Европага босқинчилик юриши даврида Ботухон бошчилигидаги мўғул қўшини Краков ш.ни эгаллаб, унга ўт қўйган, сўнгра Одер дарёсидан ўтиб, Легница яқинида Силезия герцоги Генрих бошчилигидаги немис салибчилари, силезияликлар, Тевтон ордени ри-царлари ҳамда поляклардан иборат 30 минг кишилик лашкарларга дуч келган. 1241 й. 9 апр.даги жангда салибчилар мўғулларнинг атайлаб чекинаётган аванғорига биринчи бўлиб ҳужум қиладилар. Қўпол қуролланган бу пиёдалар асосий қўшиндан узоқлашгандан сўнг мўғуллар уларни қуршаб олиб, қириб ташлайди. Салибчиларга мадад учун бораётган поляк ва силезияликлар отряди қочишга мажбур бўлади. Тевтон ордени рицарлари жангни давом эттиришга уриниб кўради, аммо бой берилган жангни тиклаш учун кучлар камлик қилади. Бирлашган христиан армияси катта талафот кўрган. Легница атрофини вайрон қилган мўғуллар Ратибор ш.га қараб юриб, у ердан Моравияга бостириб кирадилар.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.