Leonid Maksimoviç Leonov
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 85–86-b. — ziyouz.com
Leonov Leonid Maksimoviç [1899.19(31).5 - Moskva - 1994] - rus yozuvçisi, akad. (1972). Ijodi 1922 y.dan boşlangan. «Börsiqlar» (1924) romani L.ning rus maişiy hayoti va meşçanlar ruhiyatini yaxşi bilişini namoyiş etgan. L. «Öğri» (1927, qayta işlangan naşri 1959), «Sot» (1929) romanlari, «Qişlokdagi voqea», «Oq tun» (1928) kabi qissalarida rus xalqi hayotining murakkab manzaralari, yangi iqtisodiy siyosat davri fojialarini aks ettirgan. «Skutarevskiy» (1932), «Okean sari yöl» (1936) va b. romanlarida rus ziyolilari — olimlar, san'atkorlar, injenerlar takdiri, ular boşiga tuşgan fojialar hikoya qilingan. L. 30-y. larda dramaturg sifatida ham ijod etib, mehnat mavzuida «Polovçan boğroğlari» (1938), «Böri» (1938), 40-y. da esa uruş mavzusida «Istilo» (1942) pyesalarini yozgan. L. ijodida 2-jahon uruşi manzaralari aks ettirilgan «Rus örmoni» (1953) romani muhim örinni egallaydi. L.ning «Evgenia Ivanovna» (1938, naşr etilişi 1963) qissasida hayot yöli xorijda yakunlangan rus ayolining murakkab qismati katta mahorat b-n tasvirlangan. «Oltin arava» (1946, qayta işlanişi 1955) pyesasi va «Mister Mak-Kinlining qoçişi» (1961; şu nomdagi film, 1976) kinoqissasi bor. L. rus mumtoz adabiyoti, ayniqsa, F.M.Dostoyevskiy ijodiga xos vatanparvarlik va ruhiy taxlil an'analarini davom ettirgan.
Asl matn (kirill, PDF'dagidek)
ЛЕОНОВ Леонид Максимович [1899.19(31).5 - Москва - 1994] - рус ёзувчиси, акад. (1972). Ижоди 1922 й.дан бошланган. «Бўрсиқлар» (1924) романи Л.нинг рус маиший ҳаёти ва мешчанлар руҳиятини яхши билишини намойиш этган. Л. «Ўғри» (1927, қайта ишланган нашри 1959), «Соть» (1929) романлари, «Қишлокдаги воқеа», «Оқ тун» (1928) каби қиссаларида рус халқи ҳаётининг мураккаб манзаралари, янги иқтисодий сиёсат даври фожиаларини акс эттирган. «Скутаревский» (1932), «Океан сари йўл» (1936) ва б. романларида рус зиёлилари — олимлар, санъаткорлар, инженерлар такдири, улар бошига тушган фожиалар ҳикоя қилинган. Л. 30-й. ларда драматург сифатида ҳам ижод этиб, меҳнат мавзуида «Половчан боғроғлари» (1938), «Бўри» (1938), 40-й. да эса уруш мавзусида «Истило» (1942) пьесаларини ёзган. Л. ижодида 2-жаҳон уруши манзаралари акс эттирилган «Рус ўрмони» (1953) романи муҳим ўринни эгаллайди. Л.нинг «Evgenia Ivanovna» (1938, нашр этилиши 1963) қиссасида ҳаёт йўли хорижда якунланган рус аёлининг мураккаб қисмати катта маҳорат б-н тасвирланган. «Олтин арава» (1946, қайта ишланиши 1955) пьесаси ва «Мистер Мак-Кинлининг қочиши» (1961; шу номдаги фильм, 1976) киноқиссаси бор. Л. рус мумтоз адабиёти, айниқса, Ф.М.Достоевский ижодига хос ватанпарварлик ва руҳий тахлил анъаналарини давом эттирган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.