Asosiy mazmunga ötiş
Qidiriş…Ctrl K

    Şrift ölçami

    Lu Sin

    Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 203-b. — ziyouz.com

    Lu Sin (taxallusi; asl ismi Çjou Şu-jen) (1881.25.9, Şaosin -1936.19.10, Şanxay) — xitoy yozuvçisi, publitsist va jamoat arbobi. Hoz. zamon xitoy milliy adabiyoti asosçisi. «Hayqiriq» (1923) hikoyalar tuplamida oddiy kişilarning qaşşoqligi va huquqsizligi, «Sarsonlik» (1926) novellalar töplamida esa yarim feodal Xitoydagi ziyolilar taqdiri aks ettirilgan. «A-Kyuning haqiqiy tarixi» (1921) qissasida «kiçkina odam»ning fojiasi tasvirlangan. «Yovvoyi ötlar» (1927) nasriy şe'rlar tögotami muallifi. «Yangiça hikoya qilingan eski rivoyatlar» (1936) töplamida tarixiy va mifologik obraz yaratilgan. Publitsistik asarlarida Pekin va Şanxaydagi ijtimoiy voqealar xususida fikr yuritiladi («Issiq şamol», 1925; «Qabr», 1927 va b.). Jahon adabiyoti klassiklarining ayrim asarlarini xitoy tiliga tarjima qilgan. L.S.ning özbek tilida «Qadrdon qişloğim» (1956) hikoyalar töplami va «Tanlangan asarlar»i (1959) naşr etilgan.

    Asl matn (kirill, PDF'dagidek)

    ЛУ СИНЬ (тахаллуси; асл исми Чжоу Шу-жэнь) (1881.25.9, Шаосин -1936.19.10, Шанхай) — хитой ёзувчиси, публицист ва жамоат арбоби. Ҳоз. замон хитой миллий адабиёти асосчиси. «Ҳайқириқ» (1923) ҳикоялар тупламида оддий кишиларнинг қашшоқлиги ва ҳуқуқсизлиги, «Сарсонлик» (1926) новеллалар тўпламида эса ярим феодал Хитойдаги зиёлилар тақдири акс эттирилган. «А-Кьюнинг ҳақиқий тарихи» (1921) қиссасида «кичкина одам»нинг фожиаси тасвирланган. «Ёввойи ўтлар» (1927) насрий шеърлар тўготами муаллифи. «Янгича ҳикоя қилинган эски ривоятлар» (1936) тўпламида тарихий ва мифологик образ яратилган. Публицистик асарларида Пекин ва Шанхайдаги ижтимоий воқеалар хусусида фикр юритилади («Иссиқ шамол», 1925; «Қабр», 1927 ва б.). Жаҳон адабиёти классикларининг айрим асарларини хитой тилига таржима қилган. Л.С.нинг ўзбек тилида «Қадрдон қишлоғим» (1956) ҳикоялар тўплами ва «Танланган асарлар»и (1959) нашр этилган.

    Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.