Lut
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 203-b. — ziyouz.com
Lut — Qur'onda nomi zikr etilgan payğambarlardan biri. Harron ş. (Mesopotamiya)da tavallud topib, Ibrohim (as) b-n birga Falastinga borgan. Sadum, Amura va uning atroflaridagi yerlarda çorvaçilik b-n şuğullangan. Payğambarlik darajasiga yetişgaç, odamlarga pand-nasihat qiladi, Allohning birligiga imon keltirişga çaqiradi. Biroq axloqi buzuq Sadum aholisi baççavozlik odatini tark etmay, uning özini bu yurtdan haydab çiqarmoqçi böladi. Fariştalar unga oilasi va imonli kişilar b-n birga (xotinidan taşqari, çunki xotini Allohning ğazabiga uçragan) şahardan çiqib ketişni buyurganligi rivoyat qilinadi. Qur'onning «Hijr» surasida L. ma'lum masofaga yetib olgaç, şahar ostin-ustun qilib yuborilgani, qavm ustiga sopol toş yoğdirilgani bayon etilgan. Hozir bu dinsiz qavm yaşagan şahar örnida dengiz mavjud bölib, u «Ölik dengiz» deb nomlanadi. L. payğambar nomi Bibliyada «Lot» şaklida kelgan bölib, undagi qissa Qur'ondagi xabardan ba'zi jihatlari b-n farq qiladi.
Asl matn (kirill, PDF'dagidek)
ЛУТ — Қуръонда номи зикр этилган пайғамбарлардан бири. Ҳаррон ш. (Месопотамия)да таваллуд топиб, Иброҳим (ас) б-н бирга Фаластинга борган. Садум, Амура ва унинг атрофларидаги ерларда чорвачилик б-н шуғулланган. Пайғамбарлик даражасига етишгач, одамларга панд-насиҳат қилади, Аллоҳнинг бирлигига имон келтиришга чақиради. Бироқ ахлоқи бузуқ Садум аҳолиси баччавозлик одатини тарк этмай, унинг ўзини бу юртдан ҳайдаб чиқармоқчи бўлади. Фаришталар унга оиласи ва имонли кишилар б-н бирга (хотинидан ташқари, чунки хотини Аллоҳнинг ғазабига учраган) шаҳардан чиқиб кетишни буюрганлиги ривоят қилинади. Қуръоннинг «Ҳижр» сурасида Л. маълум масофага етиб олгач, шаҳар остин-устун қилиб юборилгани, қавм устига сопол тош ёғдирилгани баён этилган. Ҳозир бу динсиз қавм яшаган шаҳар ўрнида денгиз мавжуд бўлиб, у «Ўлик денгиз» деб номланади. Л. пайғамбар номи Библияда «Лот» шаклида келган бўлиб, ундаги қисса Қуръондаги хабардан баъзи жиҳатлари б-н фарқ қилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.