Lutfulla Sa'dullayev
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 239-b. — ziyouz.com
Sa'dullayev Lutfulla (1940.18.12, Toşkent) — aktyor, rej. Özbekiston xalq artisti (2001). Toşkent teatr va rassomlik san'ati in-tini tugatgan (1965). 1963 y.dan Yoş tomoşabinlar teatri aktyori. S. ijro etgan rollari inson qalbiga yaqin bölib, tomoşabinni öziga hamdard qila olişi, obrazlar xarakteri, dunyoqaraşi, qahramonlar içki dunyosining rangbarangligi, boy va kengligi b-n ajralib turadi. Muso Jalil («Muso Jalil»), Bunyod («Semurğ»), Ibn Sino («Donişmandning yoşligi»), Hamza («Qaldirgoçlar»), Qori («Tobutdan tovuş»), Şoğulom («Janjal»), Omon («Şum bola»), Mirqosim («Zaharli tomçilar»), Ibn Mal'un («Ming bir keça») kabi rollari b-n tanilgan. U köpgina telefilm, videofilm va telepostanovkalarda ham köplab rollar öynagan: Berdi («Qismat»), Abdulla («Odam böliş qiyin»), Alimardon Törayev («Bahor qaytmaydi»), Mahkam («Uç ildiz») va b. Şuningdek, S. «Otalar sözi — aqlning közi» körsatuvining faol iştirokçilaridan. Rej. sifatida ham ijod qilib, «Adaşganlar» (T. Qozoqboyev), «Tinibtinçimas buvijon» (L. Sa'dullayev), «Gap yöq, qöziçoq» (S. Sirojiddinov), «Bolalar ŞOU», «Zumraşa», «Rivoyat» (h. Nizomitdinov) kabi spektakllarni sahnalaştirgan. 2003 y. u kinorejissyor sifatida «Munis onam» filmini ekranlaştirdi.
Asl matn (kirill, PDF'dagidek)
САЪДУЛЛАЕВ Лутфулла (1940.18.12, Тошкент) — актёр, реж. Ўзбекистон халқ артисти (2001). Тошкент театр ва рассомлик санъати ин-тини тугатган (1965). 1963 й.дан Ёш томошабинлар театри актёри. С. ижро этган роллари инсон қалбига яқин бўлиб, томошабинни ўзига ҳамдард қила олиши, образлар характери, дунёқараши, қаҳрамонлар ички дунёсининг рангбаранглиги, бой ва кенглиги б-н ажралиб туради. Мусо Жалил («Мусо Жалил»), Бунёд («Семурғ»), Ибн Сино («Донишманднинг ёшлиги»), Ҳамза («Қалдиргочлар»), Қори («Тобутдан товуш»), Шоғулом («Жанжал»), Омон («Шум бола»), Мирқосим («Заҳарли томчилар»), Ибн Малъун («Минг бир кеча») каби роллари б-н танилган. У кўпгина телефильм, видеофильм ва телепостановкаларда ҳам кўплаб роллар ўйнаган: Берди («Қисмат»), Абдулла («Одам бўлиш қийин»), Алимардон Тўраев («Баҳор қайтмайди»), Маҳкам («Уч илдиз») ва б. Шунингдек, С. «Оталар сўзи — ақлнинг кўзи» кўрсатувининг фаол иштирокчиларидан. Реж. сифатида ҳам ижод қилиб, «Адашганлар» (Т. Қозоқбоев), «Тинибтинчимас бувижон» (Л. Саъдуллаев), «Гап йўқ, қўзичоқ» (С. Сирожиддинов), «Болалар ШОУ», «Зумраша», «Ривоят» (ҳ. Низомитдинов) каби спектаклларни саҳналаштирган. 2003 й. у кинорежиссёр сифатида «Мунис онам» фильмини экранлаштирди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.